परेरित 15:29 - मध्‍य पुरविया थारू

²⁹ आब मुल बातसब एह्‍या चियै- मुरुतके चरहौवा खाइबला कोनो चिज नै खो, कुछोके लहु, कन्‍ठ किचके मारल पसुके मौस नै खो, बेबिचारसे अलग भ्‍याके रह, यि बातसबके पालन करबिही त तोरासबके लेल असल हेतौ। तोरासबके भलाइ हेबे। बिदा।

परेरित 15:29 ပူးပေါင်းရင်းမြစ်များ

लुका 9:61

दोसर लोक येसुके कहल्‍कै, “परभु, हम अहाँके पछा लाग्‍बै, महज पहिने आपन घरके लोकसबसे बिदा हैले ज्‍या दिय।”

परेरित 15:20

महज उसब यि बात लिखके पठेल्‍कै, कि उसब ‘मुरुतके चरह्‍याल चिजसबसे, बेबिचारसे, कन्‍ठ दाइबके अरथात लहु नै बह्‍याके मारल पसुके मौस आ लहुसे अलग रहे।’

परेरित 18:21

ओइसबसे बिदा लैत पावल कहल्‍कै, “यदी परमेस्‍वरके इक्‍छा हेतै त हम फेनो अहाँ सब लग एबै।” तकरबाद उ एफिसससे पानी जहाद चहैरके चैलगेलै।

परेरित 21:25

गैर-यहुदीसब जे येसु खिरिस्‍टमे बिस्‍बास करने छै, उसब मुरतिके चरह्‍याल चिज, लहु, घेच दाइबके मारल पसुके मौस नै खाइले आ अनैतिक देहके समबन्‍धमे अलग रहैले परतै कैहके हमसब आपन निरनय लिखके पठादेने चियै।”

परेरित 23:30

जब हमरा यि लोकके मारैके योजनाके बारेमे थाह भेलै तब तुरन्‍त अकरा अहाँके लग पठाइलियै। तब अकरा दोसो लगाइबलासबके अहाँके अगा बयान दैले आदेस करनेचियै।”

२ कोरन्‍थी 11:9

तोरासबसङे रहैतकाल जब हमरा घटि-कमी भेलै, तब हम ककरो बोझ नै बनलियै, कथिलेकी माकेडोनिया परदेससे एल भाइसब हमर घटि-कमी पुरा करल्‍कै। हम तोरासबके बोझ पैहनियो नै रहलियौ आ पाछुवो नै हेबौ।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

१ तिमोथी 5:22

तु मन्‍डलीमे अगुवा नियुक्‍त करैके लेल झट-पट ककरो उपर हाथ राखैबला काम नै कर। आनगोराके पापमे सहभागी नै हो। तु अपने-आपके पबितर राख।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

१ युहन्‍ना 5:21

हमर पिरिय बेटा-बेटीसब, तुसब अपने आप झुठा देबी-देउतासबसे बैचके रह।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

परकास 2:14

महज तोरासबके बिरोधमे हमरसङे कुछ बातसब छै, कथिलेकी तोरासबमेसे कोइ कोइ एहेनछै, जे बालामके सिक्‍छा मानैछै। मुरुतिके चरहाल चिज आ बेबिचार कैरके इजराएली लोकसबके पापमे फसाइके लेल बालाम बालक रजाके सिखाइने छेलै।

परकास 2:20

महज तोहर बिरोधमे हमरा यि कहैकेछै कि, तु इजबेल कहाइबली जनीके सहन करैचिही। जे आपनेके अगमबादिनी कहैछै आ आपन सिक्‍छासे हमर सेबकके भरमाके बेबिचार करैले आ मुरतिपुजामे चरहाल चिज खाइले सिखाबैछै।