परेरित 15:2 - मध्‍य पुरविया थारू

² तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 15:2 ပူးပေါင်းရင်းမြစ်များ

परेरित 10:23

यि बात सुइनके पतरुस ओइसबके भितर लज्‍याके स्‍वागत-सत्‍कार करल्‍कै। तकर बिहानके पतरुस उइठके ओहैसबसङे गेलै आ परभुमे बिस्‍बास करैबलामेसे कुछ लोकसब योप्‍पासे ओकरसङे गेलै।

परेरित 11:12

कोनो सङका नै कैरके ओकरौरके सङे जाइले हमरा पबितर आत्‍माके अगुवाइ भेलै। यि छबो गोरा बिस्‍बासीसब सोहो हमरसङे गेल रहै आ हमरौरके सब गोरा करनेलियसके घरमे ढुक्‍लियै।

परेरित 11:30

अहिनङे उसब उठेल्‍हा पैसा बरनाबास आ साउलके हाथे यरुसलेम मन्‍डलीके रेखदेख करैबलासबके पठादेल्‍कै।

परेरित 15:25

तै कारन हमसब बैठकी कैरके सल्‍लाह करलियै, तब एकमत कैरके हमरासबके बात अहाँसब लग पुगाइले हमरासबके बिचसे चुइनके हमरासबके पिरिय बरनाबास आ पावलके सङे पठाइले निरनय करलियौ।

परेरित 15:27

अहै खातिर हमसब यहुदा आ सिलासके पठाइने चियौ। ओहो दुनुगोरा एह्‍या लिखल बातसब आपने मुहसे अहाँसबके कहत।

परेरित 15:4

जब उसब यरुसलेममे पहुचलै तब ओइसबके ओतेका मन्‍डली, परेरितसब आ मन्‍डलीके रेखदेख करैबलासब स्‍वागत करल्‍कै। तब बरनाबास आ पावल ओइसबके सुनाबे लाग्‍लै जे परमेस्‍वर ओकरासबसे केहन-केहन कामसब करने छै।

परेरित 16:4

तब उसब सहर-सहरमे गेलै आ सब ठाममे भेल्‍हा यरुसलेमके परेरितसब आ मन्‍डलीके रेखदेख करैबलासबके निरनय करल बातसब सुनाइल्‍कै आ पालन करैले आदेस देल्‍कै।

परेरित 21:18

तकर बिहानके पावल हमरासबके ल्‍याके याकुबके भेटैले गेलै। ओते याकुब लग मन्‍डलीके रेखदेख करैबलासब जमा भेल छेलै।

१ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल गेल चियै। हमरसङे अपनासबके भाइ सोस्‍थेनेसके तरफसे सेहो यि चिठी लिखैचियौ।

२ कोरन्‍थी 11:5

आपनके “महान परेरितसब” सम्‍झैबला ककरोसे हम कम नै सोचैचियै।

गलाती 2:5

महज तोरासबमे भेल सुसमाचारके सत्‍यता सबदिन सुरक्‍छित रहे कैहके ओकरासबके अगा हमसब एकोरति नै झुकलियै।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।