परेरित 14:22 - मध्‍य पुरविया थारू

²² उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

परेरित 14:22 ပူးပေါင်းရင်းမြစ်များ

मतीके लिखल सुसमाचार 10:38

आ जे कोइ आपन कुरूस बोइकके हमर पछा नै लाग्‍तै सेहो हमर योग्‍य नै हेतै।

मतीके लिखल सुसमाचार 16:24

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

मतीके लिखल सुसमाचार 19:24

हम फेनो तोरासबके कहैचियौ, धनिक लोकके परमेस्‍वरके राजमे आबैसे त बरु, उंटके टिपनीके नाथिमे ढुकैले असान हैछै।”

मरकुस 10:30

तकरा सताबटके साथ-साथे अहै युगमे सय गुना बेसी घरदुवार, माँ-बाबु, बेटाबेटी, भाइ-बहिन आ जगहा-जमिन भेटतै। तब आबैबला युगमे अनन्‍त जिबन मिल्‍तै।

मरकुस 9:47

तहिनङे यदी तोहर आँख पाप करैले लगाइछौ त ओकरा निकालके फेकदहै। दुनु आँख ल्‍याके नरकमे जाइसे त बरु आन्‍हर भ्‍याके स्‍वरगमे परबेस करनाइ उचित छै।

लुका 24:26

कि खिरिस्‍टके यि सब दुख काइटके आपन महिमाके खातिर जाइसे पहिने जरुरी नै छेलै त?”

युहन्‍ना 15:18

“यदी सन्‍सारके लोकसब तोरा घिरना करतौ त, तोरासबसे पहिने हमरा घिरना करल्‍कै कैहके जान।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 11:26

जब बरनाबास टारससमे साउलके भेटलै तब ओकरा एन्‍टिओखियामे आनल्‍कै। उ दुनुगोरे पुरा एक बरिसतक ओतेका मन्‍डलीमे सङगती करैत रहलै। ओतेका बहौत लोकसबके सिक्‍छा देल्‍कै। सबसे पैहने एन्‍टिओखियामे खिरिस्‍टके बिस्‍बासीसबके इसाइ कहल्‍कै।

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

परेरित 13:43

सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

परेरित 14:20

महज जब ओते बिस्‍बासीसब ओकर कात-करौतमे जम्‍मा भेलै तब उ उइठके सहर दिसन गेलै। तकर बिहानके उ आ बरनाबास सङे निकैलके डरबी चैलगेलै।

परेरित 14:28

तब उसब एन्‍टिओखिया मन्‍डलीके बिस्‍बासीसब सङे बहौत दिनतक रहलै।

परेरित 15:32

यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 15:41

उसब सिरिया आ किलिकिया परदेसमे घुइम-घुइमके ओतेका बिस्‍बासीसबके बिस्‍बासमे मजगुत बनाइत गेलै।

परेरित 18:23

कुछदिन तक ओतै रहलै। तकरबाद फेनो उ गलातिया आ फिरिगिया इलाकाके ठामसब हैत, सब ठाममे रहल परभुके बिस्‍बासीसबके बिस्‍बासमे बलगर बनाइत गेलै।

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

परेरित 9:16

कथिलेकी हमर नामके खातिर ओकरा कतहेक दुख भोगे परतै, आब हम ओकरा देखाइबै।”

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

२ तिमोथी 1:8

तै खातिर आपनौरके परभुके गबाही दैले लाज नै मान आ हम ओकरलेल जहलमे परलियै से बात सोइचके लाज नै मान। महज परमेस्‍वरके सक्‍तीमे सुसमाचार सुनाइबला कामके लेल दुख भोगैले तु हमरसङे सामेल हो।

२ तिमोथी 3:12

येसु खिरिस्‍टमे भक्‍तीके जिबन बिताइले चाहैबलासबके सताबटके सामना करैए परतै।

१ पतरुस 2:21

कथिलेकी परमेस्‍वर तोरासबके यह्‍या कामके लेल चुनल्‍कौ, खिरिस्‍ट तोरासबके लेल दुख भोगल्‍कौ आ उ एकटा उदाहरन बन्‍लै। आबसे तुसब ओकर देख्‍याल बाटमे चलेपरतौ।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

१ पतरुस 5:9

बिस्‍बासमे बौकार भ्‍याके सैतानके बिरोध कर। कथिलेकी सन्‍सारमे भेल औरो बिस्‍बासीसब सेहो अहिनङे दुख भोइगरहलछै से बात तोरासबके थाहेछौ।

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

परकास 7:14

हम ओकरा कहलियै, “गुरु जी, हमरा थाह नै छै। अहिके थाहछै।” उ हमरा कहल्‍कै, “उसब त बरका भारी सताबट सैहके एलछै आ उसब आपन-आपन बस्‍तर थुमाके लहुसे धोइबके उजर बनाइनेछै।