परेरित 14:1 - मध्‍य पुरविया थारू

¹ एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 14:1 ပူးပေါင်းရင်းမြစ်များ

मरकुस 7:26

उ सिरिया देसके फोनिके इलाकाके एक गिरिक जनी छेलै। उ जनी आपन बेटीसे भुत आत्‍मा निकाइल दिय कैहके ओकरसे बिन्‍ती करल्‍कै।

युहन्‍ना 12:20

निस्‍तार पाबैनमे यरुसलेममे आराधना करैले गेलसबमेसे कतहेक लोक गिरिक जातीके लोकसब छेलै।

युहन्‍ना 7:35

ओकर एहेन बात सुइनके यहुदीसब आपसमे कहल्‍कै, “यि लोक कते जाइले लागलछै जे हमसब ओकरा नै भेटाइबै? कि उ गिरिक देसमे तितर-बितर भेल यहुदीसब लग जेतै आ गिरिकियोसबके सिक्‍छा देतै?

परेरित 11:21

परभुके सक्‍ती ओइसबसङे छेलै आ बहौत लोकसब परभुमे बिस्‍बास कैरके ओकर देख्‍याल रस्‍तामे चलेलाग्‍लै।

परेरित 13:43

सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 13:5

सलामिस सहरमे पुग्‍लाके बाद उसब ओते यहुदीसबके सभाघरमे परमेस्‍वरके बचन सुनाबे लाग्‍लै। यि काममे सहयोग करैले मरकुस कहाइबला युहन्‍ना ओकरौरके सङे रहै।

परेरित 13:51

महज पावल आ बरनाबास आपन टाङके गरदा ओइसबके बिरोधमे झाइरके आइकोनियन सहर दिसन चैलगेलै।

परेरित 14:19

तकरबाद कुछ यहुदीसब एन्‍टिओखिया आ आइकोनियनसे ओते एलै आ लोकसबके आपन पक्‍छमे कैरके पावल उपर पथलबाही कराइल्‍कै। उ मरगेल हेतै कैहके ओकरा घिस्‍याइत लज्‍याके सहरसे बाहर फेकदेल्‍कै।

परेरित 14:2

महज बिस्‍बास नै करैबला यहुदीसब गैर-यहुदीसबके उस्‍काके परभुमे बिस्‍बास करैबला लोकसबके बिरोध करैले लगाइल्‍कै।

परेरित 14:21

बरनाबास आ पावल डरबी सहरमे परचार कैरके बहौतके परभु येसुके चेला बनाइल्‍कै। तकरबाद उसब लुस्‍तरा, आइकोनियन आ पिसिदिया इलाकाके एन्‍टिओखियामे घुइमके एलै।

परेरित 16:1

पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

परेरित 16:2

लुस्‍तरा आ आइकोनियाके बिस्‍बासीसबमे तिमोथीके असल लोकके रुपमे चिन्‍हैछेलै।

परेरित 17:12

अहै कारन बहौत यहुदी लोकसब परभुमे बिस्‍बास करल्‍कै। तैहनङे बहौत नाम चलल असल गिरिक जनी आ मरदसब समेत परभुमे बिस्‍बास करल्‍कै।

परेरित 17:17

उ यहुदीसबके सभाघरमे ज्‍याके यहुदी आ परमेस्‍वरके डर मानैबला गिरिक जातीके लोकसबसे बात-चित करै। ओहिनङे सबदिन बजारमे आबैबला लोकोसबसङे उ खौम बात-चित करै।

परेरित 17:4

ओइसबमेसे कतहेक यहुदीसब बिस्‍बास कैरके पावल आ सिलासके पछा लाग्‍लै। अहिनङे परमेस्‍वरके सेबा करैबला गिरिकसब आ नाम चलल जनी ओहोसब बिस्‍बास करल्‍कै।

परेरित 18:4

सब बिसराम दिनके पावल सभाघरमे ज्‍याके यहुदी आ गिरिक लोकसबसे बात-चित करै आ उसब सेहो परभु येसुके सुइकार करे कैहके ओकरासबके मनाइले चाहैत रहै।

परेरित 18:8

सभाघरके सासक किरिस्‍पस आ ओकर घरके सब लोकसब परभुमे बिस्‍बास करल्‍कै। कोरिन्‍थके औरो बहुतो लोकसब पावलके सुसमाचार सुइनके बिस्‍बास करल्‍कै आ बप्‍तिस्‍मा लेल्‍कै।

परेरित 19:10

दुइ बरिसतक अहिनङे चलैत रहलै आ एसिया परान्‍तके सब बासिसब, यहुदी आ गिरिक दुनु परभुके बचन सुनल्‍कै।

परेरित 19:17

यि बात एफिसस बासि, यहुदी आ गिरिक जातीके सबलोक सुनल्‍कै। तब उसबके डर भ्‍यागेलै आ परभु येसुके नामके परसन्‍सा भेलै।

परेरित 19:8

तब पावल यहुदी सभाघरमे गेलै आ साहसके साथ तिन महिनातक परमेस्‍वरके राजके बारेमे परचार आ बात-चित करैत लोकसबके बुझाइत रहलै।

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

परेरित 21:28

चिच्‍याके कहेलाग्‍लै, “आबु, आबु इजराएली बाबु-भैयासब, मदत करु! एह्‍या लोक चियै जे, जते-तते ज्‍याके अपनासब इजराएलीसबके बिरोधमे बोलैबला! मोसाके नियमके नै मान आ मन्‍दिरमे पुजो नै कर कैहके सिखाइबला एह्‍या चियौ। अतबेहेकरा नै यि औरो जातीके लोकसबके मन्‍दिरमे ढुक्‍याके पबितरो जगहके अपबितर कैरदेनेछै।”

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

रोमी 10:12

यहुदी आ गैर-यहुदी जातीमे कोनो फरक नै छै। उसबके एके परभु चियै आ ओकरा पुकारैबलासबके उ परसस्‍त कैरके आसिस दैछै।

गलाती 2:3

तै बखत हमरसाथमे रहल तितस, जे गैर-यहुदी भेलोपर, खतना करैये परतै कैहके कोइने कर लगाइल्‍कै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

२ तिमोथी 3:11

हम एन्‍टिओखिया, आइकोनियन आ लुस्‍तरा सहरमे केहन-केहन दुख भोगे परलै, से बात तु निक जखा जानैचिही। महज परभु हमरा ओइ सब आफत-बिपतसबसे बचेल्‍कै।