परेरित 13:32 - मध्‍य पुरविया थारू

³² हमसब यि सुसमाचार सुनाइले एलचियौ, जे बात परमेस्‍वर अपनासबके पुरखासबके परतिग्‍या करने रहौ।

परेरित 13:32 ပူးပေါင်းရင်းမြစ်များ

लुका 1:19

स्‍वरगदुत ओकरा कहल्‍कै, “हम गबरिएल चियै, हम परमेस्‍वरके अगामे ठार रहैचियै। तोहर सङे बात करैले आ असल समाध सुनाबैले परमेस्‍वर हमरा पठाइने छै।

लुका 2:10

तब स्‍वरगदुतसब ओकरासबके कहल्‍कै, “नै डेरा, देख, हम तोरासबके बहुत खुसीके सुसमाचार सुनाइबौ, जे सब लोकसबके लेल हेतौ।

परेरित 10:36

तोरा थाह छौ कि येसु सबके परभु चियै। परमेस्‍वर येसु खिरिस्‍टके मारफतसे सान्‍तीके सुसमाचार इजराएली लोकसबके पठेल्‍कै।

परेरित 13:23

परमेस्‍वरके परतिग्‍या करल जहिना दाउदके कुलसे इजराएली लोकसबके खातिर एक गोरा मुक्‍तीदाता येसुके पठेल्‍कै।

परेरित 13:38

तै खातिर भाइ-भैयारीसब, तोरौरके थाह हेबे, कि येसुवेटासे मातर तोरौरके पाप छमा भ्‍या सकैछौ।

परेरित 14:15

“यौ साथीसब, अहाँसब कथिले एहेन काम करैचियै? हम्‍हुसब त अहैसब जखा दुख-सुख भोगैबला लोकसब चियै आ अहाँसब यि मुरुतके पुजा-पाठ करैले छोइरके जिबित परमेस्‍वर जे अकास, पिरथिबी, समुन्‍दर आ ओइमे जे कुछो छै, ओइसबके बनाइनेछै तैमे बिस्‍बास करु कैहके सुसमाचार सुनाबैले एलचियै।

परेरित 26:6

परमेस्‍वर हमरसबके पितापुरखाके करल परतिग्‍यामे हम आसा राखलाके कारन आइ हम अहाँके अगा ठरा भेलचियै।

परेरित 3:19

तै खातिर तुसब पस्‍चाताप कर आ आपन मन बदल जैसे तोरासबके पाप मेटाबे आ परमपरभुसे आनन्‍दके समय आबे,

परेरित 5:42

उसब सबदिन मन्‍दिर आ घर-घरमे ज्‍याके येसुवे खिरिस्‍ट चियै से कैहके सिक्‍छा दैले आ परचार करैले नै छोरल्‍कै।

रोमी 1:2

जे सुसमाचार बहुत बरिस पहिने परमेस्‍वर देबै कैहके परतिग्‍या करने छेलै। अकरे बारेमे ओकर अगमबक्‍तासब पबितर धरमसास्‍तरमे लिखने छेलै।

रोमी 10:15

सुनाइबला लोकके नै पठाइतै उ कनङके परचार करतै? जनङ पबितर धरमसास्‍तरमे लिखल छै कि, “सुसमाचार परचार करैबलाके टाङ कतहेक सुन्‍दर!”

रोमी 4:13

अबराहम बेबस्‍था पालन करलाके कारनसे नै महज परमेस्‍वरमे करल बिस्‍बास दुवारा धरमी ठहरलाके चल्‍ते परमेस्‍वर ओकरा आ ओकर बेटा-बेटीसबके सन्‍सारके हकबला बनाबैके परतिग्‍या करल्‍कै।

रोमी 9:4

उसब इजराएली चियै आ परमेस्‍वर ओकरासबके आपन बेटा-बेटीसब बनेल्‍कै। उ आपन महिमा ओकरासबके परकट करल्‍कै। ओकरासबसङे करार बानहल्‍कै, बेबस्‍था देल्‍कै आ आराधना करैले सिखेल्‍कै। उसब ओकर परतिग्‍या पाबल्‍कै।