परेरित 13:31 - मध्‍य पुरविया थारू

³¹ गालिल इलाकासे ओकरसङे यरुसलेममे एल्‍हासब लग बहौत दिनतक ओकर देखाब दैत रहलै। अखुन्‍तो उसब इजराएलके लोकसबलग ओकर साक्‍छी छेबेकरै।

परेरित 13:31 ပူးပေါင်းရင်းမြစ်များ

मतीके लिखल सुसमाचार 28:16

एगारहो चेलासब गालिलके ओइ पहाड़मे गेलै जते येसु ओइसबके जाइले कहने छेलै।

लुका 24:48

तुहिसब यि बातके साक्‍छी चिही।

युहन्‍ना 15:27

तुहुसब हमर बारेमे गबाही देब्‍ही, कथिलेकी तुसब सुरुवेसे हमरसङे चिही।”

परेरित 1:11

उसब कहल्‍कै, “ए गालिलके लोक, तुसब कथिले अकास दिसन ताकैत ठडा भेलचिही? येसु त स्‍वरगमे गेलौ, जैहनङ अखुन स्‍वरगमे जाइत देखलिही, ओहिनङ ओकरा फेनो आबैत देखबिही।”

परेरित 1:22

अरथात एहेन लोक जे युहन्‍नाके बप्‍तिस्‍मासे ल्‍याके येसु स्‍वरग उठ्‍याल गेल दिनतक अपनासबसङे छेलै। उ लोक हमरासब सङे-सङे ओकर जि उठैके साक्‍छी हेबेपरतै।”

परेरित 1:3

चालिस दिनतक कुरूसके मिरतुसे जिबित भ्‍याल परमान दैले बहुतो बेर ओइसबके अगा देखा परलै। उसब ओकरा देखल्‍कै आ ओकरासबसे परमेस्‍वरके राजके बारेमे बतेल्‍कै।

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 10:39

यहुदिया आ यरुसलेममे ओकर करल कामसबके हमसब साक्‍छी चियै। उसब ओकरा कुरूसमे लटकाके माइरदेल्‍कौ।

परेरित 10:41

सबलोकके उ देखाब नै देल्‍कै महज हमरासबके उ पैहनैयेसे साक्‍छीके खातिर छान्‍ने रहै। उ मिरतुसे जिबित भ्‍याके उठलाके बाद हमसब ओकरसङे खान-पिन करलियै।

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

परेरित 5:32

यि सब बातसबके हमसब साक्‍छी चियै आ परमेस्‍वर आपन आग्‍यापालन करैबलासबके देल पबितर आत्‍मा सेहो साक्‍छी दैछै।”