परेरित 12:3 - मध्‍य पुरविया थारू

³ एहेन कामसे यहुदीसब एकदम खुसी भेल देखके उ पतरुसोके पकरल्‍कै। यि घटना अखमिरी रोटीके पाबैनके समयमे भेल छेलै।

परेरित 12:3 ပူးပေါင်းရင်းမြစ်များ

मतीके लिखल सुसमाचार 26:17

अखमिरी रोटी पाबैनके पहिन्‍का दिन चेलासब येसुलग एलै आ पुछल्‍कै, “अहाँके लेल निस्‍तार पाबैनके भोज हमसब कते तयार करब?”

युहन्‍ना 12:43

कथिलेकी उसब परमेस्‍वरके परसन्‍सासे लोकके परसन्‍सा बेसी मन पराइछेलै।

युहन्‍ना 19:11

येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

युहन्‍ना 21:18

हम तोरा साँचेके कहैचियौ, जब तु जबान छेल्‍ही तब तु आपन गम्‍छा आपनेसे कसै छेल्‍ही, जते मन लागैछेलौ ओते जाइ छेल्‍ही। महज जब तु बुढ हेब्‍ही तब तु आपन हाथ पसारबिही आ दोसरकोइ तोहर डारमे गम्‍छा बाइन्‍हदेतौ आ तोरा जते जाइले मन नै लाग्‍तौ ओते ल्‍याजेतौ।

परेरित 12:4

तब हेरोद पतरुसके पकरलाके बाद जहलमे बन कैरदेल्‍कै आ चार-चार गोरेके चारटा समुह बनाके पहरा द्‍याके राखल्‍कै। निस्‍तार पाबैन ओरेलाकेबाद जनताके सामने आनैके ओकर बिचार छेलै।

परेरित 2:14

तब पतरुस एगारहो गोरे सङे ठडा भ्‍याके जोरसे कहल्‍कै, “यहुदियाके लोकसब आ यरुसलेममे रहैबला जम्‍मे लोकसब, तुसब धियान द्‍याके सुन ओते कथी भेल छेलै से हम तोरासबके बुझाइबौ।

परेरित 20:6

तब हमसब अखमिरी रोटी पाबैनके बाद फिलिप्‍पी सहरसे बिदा भ्‍याके पानी जहादके यातरा कैरके पाँच दिनमे तरोआस सहरमे पहुचलियै आ ओते हमसब सात दिनतक रहलियै।

परेरित 24:27

दुइ बरिसके बाद फेलिक्‍सके ठाममे परकियस फेस्‍तस बडा-हाकिम भेलै। तब उ यहुदीसबके खुसी राखैले पावलके जहलेमे बन्‍द कैरके गेलै।

परेरित 25:9

महज फेस्‍तस यहुदीसबके खुसी करैके लेल पावलके पुछल्‍कै, “कि तु यरुसलेम ज्‍याके ओतै हमर अगा यि बातके बारेमे हम तोहर फैसला कैरदेबौ से चाहैचिही?”

परेरित 4:13

जब उसब पतरुस आ युहन्‍नाके निडर भ्‍याके बाजैत देखल्‍कै आ यि बुझल्‍कै कि यीसब कम परहल-लिखल आ सधारन लोक चियै से देखके उसब छक परलै। तब उसब येसु सङे रहै से थाह पाबल्‍कै।

गलाती 1:10

कि हम लोकसबके खुसी करैले चाहैचियै या परमेस्‍वरके? कि हम लोकसबके खुसी करैले चाहैचियै? यदि हम लोकसबके खुसी करने रहतियै त हम खिरिस्‍टके सेबक नै हेतियै।

१ थेसलोनिकी 2:4

महज परमेस्‍वर हमरासबके ओकर योग्‍य भेलाके कारन सुसमाचार परचार करैके जिम्‍मा देने छै। अहैलेल हमसब लोकसबके खुसी करैके लेल नै, महज मन जाचैबला परमेस्‍वरके खुसी करैके लेल हमसब सुसमाचार सुनाइचियै।