परेरित 12:17 - मध्‍य पुरविया थारू

¹⁷ पतरुस ओइसबके “चुप हो” कैहके हाथसे इसरा करल्‍कै आ परभु कनङ ओकरा जहलसे निकालल्‍कै से बात ओइसबके सुनाइल्‍कै। यि बात “याकुब आ ओकर दोसरो भाइसबके कहल्‍कै।” तब उ ओतेसे दोसर ठाम चैलगेलै।

परेरित 12:17 ပူးပေါင်းရင်းမြစ်များ

मतीके लिखल सुसमाचार 10:23

जब लोकसब तोरासबके एक गाममे सताइतौ तब दोसर गाममे भाइगके जो। साँचोके हम तोरासबके कहैचियौ, मानबके बेटा आबैसे पहिने तुसब इजराएलके सब गाम कोनोभी हालतमे आपन काज पुरा नै करने रहबिही।

मरकुस 6:3

कि यि ओह्‍या काठ मिसतिरी नै चियै से? कि यि मरियमके बेटा आ याकुब, योसेफ, यहुदा आ सिमोन के भैया नै चियै से? कि अकर बहिनसब अपनासबके सङे नै छै से?” तब उसब पिताइलै आ ओकरा बिस्‍बासे नै करल्‍कै।

लुका 1:22

जब जकरिया बाहर एलै, तब उ ओइसबसङे बोले नै सक्‍लै आ हाथसे इसरा करल्‍कै, जकरिया मन्‍दिरमे दरसन देख्‍ने हेतै से उसब बुझल्‍कै।

युहन्‍ना 10:40

येसु फेनो यरदन लदीके ओइपार चैलगेलै जते युहन्‍ना सुरुमे बप्‍तिस्‍मा दैछेलै आ उ ओतै रहलै।

युहन्‍ना 11:54

तैखातिर येसु फेनो यहुदीसबके बिचमे खुलमखुला नै चलेलाग्‍लै, महज उजार जगहके नजदिकमे रहल एफराइम नाउके सहरमे गेलै आ आपन चेलासबसङे ओतै रहेलाग्‍लै।

युहन्‍ना 13:24

तब सिमोन पतरुस ओकरा इसरा कैरके कहल्‍कै, “पुछ त, उ ककर बारेमे कहैछौ?”

युहन्‍ना 7:1

तकरबाद येसु गालिल परदेसमे घुमफिर करल्‍कै। उ यहुदिया इलाका दिसन जाइले नै चाहल्‍कै, कथिलेत यहुदीसब ओकरा जानसे मारैले मौका ताकैछेलै।

युहन्‍ना 8:59

यि बात सुइनके उसब येसुके मारैके लेल पथल उठेल्‍कै, महज येसु ओइसबसे घोसैरके मन्‍दिरसे बाहर चैलगेलै।

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,

परेरित 12:16

महज पतरुस केबार ढकढकाइते रहलै। जब केबार खोलल्‍कै तब उसब पतरुसके देखके छके परलै।

परेरित 12:18

बिहान भेलाके बाद जहलके पहरेदारसबके बिचमे, “पतरुसके कथी भेलै” कैहके बरका होहल्‍ला भेलै।

परेरित 13:16

तब पावल ठडा भेलै आ हाथके इसरा करैत कहल्‍कै, “हे इजराएलके बासिसब आ परमेस्‍वरमे बिस्‍बास करैबला सबगोरा, किरपा कैरके हमर बात सुन,

परेरित 15:13

उसब बोइललेलाके बाद याकुब ठार भ्‍याके पुछल्‍कै, “हौ भैयारीसब, अहाँसब हमर बात सुनु।

परेरित 16:40

जहलसे निकललाके बाद पावल आ सिलास लिडियाके घरमे गेलै। ओते उसब परभुमे बिस्‍बास करैबला भाइ-भैयारीसब सङे भेटघाट करल्‍कै आ साहस द्‍याके ओतेसे बिदाह भेलै।

परेरित 19:33

तखुन्‍ते भिरके कुछ लोकसब अलेक्‍जेन्‍डरके अगारी लाबल्‍कै, जकरा यहुदीसब खरा करेने छेलै। तब अलेक्‍जेन्‍डर हाथसे इसरा करल्‍कै आ लोकसबके अगा बचाउके लेल कुछ बोलैके इक्‍छा करल्‍कै।

परेरित 21:18

तकर बिहानके पावल हमरासबके ल्‍याके याकुबके भेटैले गेलै। ओते याकुब लग मन्‍डलीके रेखदेख करैबलासब जमा भेल छेलै।

परेरित 21:40

सेनापती अनुमति देल्‍कै तब पावल सिरहीमे ठार भ्‍याके हाथसे सान्‍त हैले इसरा करल्‍कै। जब लोकसब सान्‍त भेलै तब पावल हिबरु भसामे बोलैले लाग्‍लै।

परेरित 28:15

परभुमे बिस्‍बास करैबला रोमके बिस्‍बासीसब जब हमरासबके आबैके खबर सुनल्‍कै तब उसब हमरासबके भेट करैले रोमसे अप्‍पियस बजार आ तिन-पाटी तक एलै। ओइसबके देखके पावल परमेस्‍वरके धन्‍यबाद देल्‍कै आ साहस पाबल्‍कै।

१ कोरन्‍थी 15:7

तकरबाद उ याकुब आ सब परेरितसब लग परगट भेलै।

गलाती 1:19

महज परभुके भाइ याकुबके छोइरके हम औरो कोनो परेरितके नै भेटलियै।

गलाती 2:12

जब पतरुस पहिने गैर-यहुदी बिस्‍बासीसबसङे बैठके खाइछेलै, जेसबके खतना नै भेल छेलै। महज पछा जब याकुबके पठेल्‍हा लोकसब एलै तब उ ओइसबसङे खाइले छोइरदेल्‍कै। कथिलेत खतनाबला लोकसबसे उ डर्‌याल छेलै।

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।