परेरित 11:24 - मध्‍य पुरविया थारू

²⁴ कथिलेत उ असल, पबितर आत्‍मा आ परमेस्‍वरके बिस्‍बासमे भरपुर भेल लोक रहै। तब बहौत लोकसब अकरे कामसे उत्‍साहित भ्‍याके बहौत लोकसब परभु येसुके बिस्‍बास करल्‍कै।

परेरित 11:24 ပူးပေါင်းရင်းမြစ်များ

मतीके लिखल सुसमाचार 12:35

असल लोक आपन मनमे असल बातसे भरल भन्‍डारसे असले बात निकालैछै आ खराब लोक आपन मनमे खराब बातसे भरल भन्‍डारसे खराबे बात निकालैछै।

मतीके लिखल सुसमाचार 19:17

येसु ओकरा जबाफ देल्‍कै, “असल कथी चियै, से तु हमरा कथिले पुछैचिही? असल त एकटा मातरे छै। यदी तु अनन्‍त जिबन पाबैले चाहैचिही त, परमेस्‍वरके आग्‍यासब पालन कर।”

लुका 23:50

योसेफ नामके एक गोरा महासभाके सदस छेलै, उ असल आ इमान्‍दार लोक रहै।

युहन्‍ना 7:12

भिरके बिचमे लोकसब ओकर बारेमे गुदुरफुसुर बतियाइले लाग्‍लै। कोइ “उ निक छै” कहैछेलै त कोइ “उ त लोकसबके बहकाबै छै” कहैछेलै।

परेरित 11:21

परभुके सक्‍ती ओइसबसङे छेलै आ बहौत लोकसब परभुमे बिस्‍बास कैरके ओकर देख्‍याल रस्‍तामे चलेलाग्‍लै।

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

परेरित 24:16

तै खातिर परमेस्‍वर आ लोकसबके नजरमे हम निरदोस रहैले चाहैचियै।

परेरित 5:14

तब परभुमे बिस्‍बास करैबला बहुत मरद आ जनिसबके भिर औरो बेसी बरहे लाग्‍लै।

परेरित 6:3

तहैले हौ भाइसब, तोरासबमेसे पबितर आत्‍मासे भरल, असल बुइधके आ आदर पाबैबला सातटा लोक छान जकरा अपनासब यि कामके जिम्‍मा देबै।

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

परेरित 6:8

स्‍तिफनस परमेस्‍वरके किरपा आ सक्‍तीसे भरपुर भ्‍याके लोकसबके बिचमे बरका-बरका अचमके काम आ चेन्‍हासब देखेल्‍कै।

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

रोमी 15:15

तैयो हम तोरासबके कुछ बात याद कराबैके लेल साहस कैरके यि चिठी लिखैचियौ। कथिलेत परमेस्‍वर हमरा अनुगरह करने छै,

रोमी 5:7

धरमी लोकके लेल मरैले चाहैबला लोक पाबैले कठिनछै। असल लोकके लेल कोइ-कोइ मरैले साहस करियोसकैछै।