परेरित 11:23 - मध्‍य पुरविया थारू

²³ बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 11:23 ပူးပေါင်းရင်းမြစ်များ

मतीके लिखल सुसमाचार 16:24

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

मरकुस 2:5

आपन उपर लोकसबके एहेन बिस्‍बास करल देखके येसु कहल्‍कै, “हे पिरिय, तोहर पापसब छमा भेल छौ।”

युहन्‍ना 15:4

तुसब हमरमे रह आ हम तोरासबमे रहबौ। जेनङकी ठाइर अङगुरके लतीमे नै रहतै त उ आपनेसे फल फराइले नै सक्‍तै, तहिनङ तुसब हमरमे नै रहबिही त तुहुसब फल फराइले नै सकबिही।

परेरित 13:43

सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

परेरित 14:26

तब ओतेसे उसब पानी जहादमे चहैरके एन्‍टिओखिया सहरमे गेलै, जते परभुमे बिस्‍बास करैबला लोकसब बरनाबास आ पावलके परमेस्‍वरके किरपामे सौपके परचारके काममे पठाइने छेलै, से काम पुरा कैरके एलै।

परेरित 15:40

तब पावल सिलासके छानल्‍कै। तकरबाद परभुमे बिस्‍बास करैबला भाइ-भैयारीसब ओइसबके परभुके किरपामे सौप देल्‍कै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

परेरित 4:36

जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।

रोमी 12:8

जकरसङे अरति-उपदेस दैबला बरदान छै त, अरति-उपदेस दैबला काम करे, दान दैबला बरदान पाबलहासब खाचोमे परलहासबके उदार-चितसे दान देबे, अगुवाइ करैबला पुरा मन लग्‍याके अगुवाइ करे, दया करैबला खुसिसाथ लोकसबके दया करे।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

२ कोरन्‍थी 1:17

कि हम अस्‍थिर नै भेल जखा यि योजना बनाइने चियै कैहके तोरासबके लागैछौ? कि हम योजना बनाइतकाल सन्‍सारके लोक जखा एके छनमे “हँ” आ एके छनमे “नै” कैहके कहैचियै से?

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

कलस्‍सी 1:6

यि सुसमाचार तोरोसबके बिचमे एलछौ आ खिरिस्‍टके यि सुसमाचार सन्‍सारके बहुतो ठामसबमे लोकसब सुइनके बिस्‍बास कैररहलछै आ ओइसबके जिबन परिबरतन भ्‍यारहलछै। तुसब परमेस्‍वरके अनुगरहके बारेमे सत बात सुनल आ बुझल दिनसे सुसमाचार तोरोसबमे सेहो ओहिनङे काम कैर रहलछौ।

२ तिमोथी 3:10

तु त हमर सिक्‍छा, हमर चरितर, हमर जिबनके लक्‍छ, हमर बिस्‍बास, हमर धिरज, हमर परेम आ हमर सहनसिलता देख्‍नेचिही।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

३ युहन्‍ना 1:4

हमर बेटा-बेटीसब सतके रस्‍तामे चलैछै कैहके सुन्‍नाइसे बरका आनन्‍द हमर लेल औरो कथी हेतै?

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।