परेरित 11:22 - मध्‍य पुरविया थारू

²² यि खबर यरुसलेमके मन्‍डलीमे पहुचलै, तब उसब बरनाबासके एन्‍टिओखियामे पठादेल्‍कै।

परेरित 11:22 ပူးပေါင်းရင်းမြစ်များ

परेरित 11:1

गैर-यहुदीके लोकसब परमेस्‍वरके बचनमे बिस्‍बास करल्‍कै से बात परेरितसब आ यहुदिया इलाकामे रहैबला परभुमे बिस्‍बास करैबला लोकसब सुनल्‍कै।

परेरित 11:19

स्‍तिफनस मारल गेलाके बाद परभु येसुमे बिस्‍बास करैबलासब उपर जब सताबट बरहे लाग्‍लै तब चारुदिसन छिरियागेलै आ कोइ फोनिके इलाकामे पुग्‍लै त कोइ साइपरस टपु त कोइ एन्‍टिओखिया सहर तक पहुचलै। महज सुरु-सुरुमे उसब यहुदीसबके बिचमे मातरे सुसमाचार परचार करैछेलै।

परेरित 11:20

ओइसबमेसे कोइ-कोइ साइपरस आ कुरेनीके लोकसब रहै। उसब एन्‍टिओखियामे आइबके औरो जातीके लोकसबके परभु येसुके सुसमाचार परचार करल्‍कै।

परेरित 11:26

जब बरनाबास टारससमे साउलके भेटलै तब ओकरा एन्‍टिओखियामे आनल्‍कै। उ दुनुगोरे पुरा एक बरिसतक ओतेका मन्‍डलीमे सङगती करैत रहलै। ओतेका बहौत लोकसबके सिक्‍छा देल्‍कै। सबसे पैहने एन्‍टिओखियामे खिरिस्‍टके बिस्‍बासीसबके इसाइ कहल्‍कै।

परेरित 11:27

तहै बखत परमेस्‍वरके अगमबक्‍तासब यरुसलेमसे एन्‍टिओखियामे एलै।

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 18:22

कैसरिया सहरमे आइबके पावल यरुसलेम गेलै तब ओतेका मन्‍डलीके बिस्‍बासीसबसङे भेटघाट करल्‍कै। तकरबाद फेनो एन्‍टिओखिया सहर ज्‍याके

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

परेरित 8:14

सामरियाके लोकसब परमेस्‍वरके बचन गरहन करैछै से बात सुइनके यरुसलेममे रहैबला परेरितसब पतरुस आ युहन्‍नाके ओते ओइसबलग पठाइल्‍कै।

परेरित 9:27

महज बरनाबास साउलके आपनसङे परेरितसब लग ल्‍याके गेलै। तब साउल रस्‍तामे परभुके देखल आ परभु ओकरसङे बोलल आ दमस्‍कसमे साहसके साथ येसुके नाममे परचार करलहा बातसब ओइसबके कैहदेल्‍कै।

गलाती 2:11

महज पतरुस एन्‍टिओखिया सहरमे एलाकेबाद हम ओकरा खुलमखुला बिरोध करलियै। कथिलेत उ दोसी छेलै।

१ थेसलोनिकी 3:6

महज तिमोथी भरखरे तोरासब लगसे हमरासबलग एलछै आ तोरासबके बिस्‍बास आ परेमके बारेमे असल खबर आन्‍ने छै। तुसब हरदम हमरासबके परेमसे सम्‍झैचिही आ हमरासबके तोरासबसे भेटकरैके जतेक सुरता लागल छै ओतहेक तोरोसबके भेटैके सुरता करनेचिही से बात उ हमरासबके सुनेल्‍कै।