परेरित 11:1 - मध्‍य पुरविया थारू

¹ गैर-यहुदीके लोकसब परमेस्‍वरके बचनमे बिस्‍बास करल्‍कै से बात परेरितसब आ यहुदिया इलाकामे रहैबला परभुमे बिस्‍बास करैबला लोकसब सुनल्‍कै।

परेरित 11:1 ပူးပေါင်းရင်းမြစ်များ

मतीके लिखल सुसमाचार 2:1

रजा हेरोदके बखतमे यहुदिया परदेसके बेथलेहेम गाममे जब येसुके जलम भेलै, ओह्‍या बखत पुरुबसे ज्‍योतिसीसब यरुसलेममे एलै,

मतीके लिखल सुसमाचार 8:11

हम तोरासबके कहैचियौ, बहुतो लोकसब पुरब आ पछिमसे एतौ आ अबराहम, इसहाक आ याकुबसङे स्‍वरगके राजमे भोजन खाइले बैठतै।

मरकुस 16:5

उसब जब चिहान भितर ढुक्‍लै तब ओते एकटा उजर बस्‍तर पिन्‍हलहा लोकके देहना कातमे बैठल देखल्‍कै आ उसब एकदमसे डेरागेलै।

लुका 2:32

औरो जात जातीसबके रस्‍ता देखाइले इजोत देने चियै आ अहाँ इजराएलके सब लोकसबके लेल महिमाके इजोत चियै।”

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

परेरित 15:3

एन्‍टिओखिया मन्‍डलीके सब बिस्‍बासीसबके ओतेसे जाइले छुट्‍टी देल्‍कै। उसब फोनिके आ सामरिया परदेस हैतगेलै आ ओतेका बिस्‍बासीसब कनङके गैर-यहुदीसब परभुके बिस्‍बास करल्‍कै से बातसब बिस्‍तारमे सुनाइल्‍कै। यि बात सुइनके ओतेका बिस्‍बासीसब बहुते खुसी भेलै।

परेरित 28:15

परभुमे बिस्‍बास करैबला रोमके बिस्‍बासीसब जब हमरासबके आबैके खबर सुनल्‍कै तब उसब हमरासबके भेट करैले रोमसे अप्‍पियस बजार आ तिन-पाटी तक एलै। ओइसबके देखके पावल परमेस्‍वरके धन्‍यबाद देल्‍कै आ साहस पाबल्‍कै।