परेरित 1:13 - मध्‍य पुरविया थारू

¹³ सहर भितर ढुक्‍लाके बाद उसब उपरका महलाके कोठलीमे गेलै, जते उसब रहैछेलै। उसब पतरुस, युहन्‍ना, याकुब, अन्‍दरियास, फिलिप आ थोमा, बारथोलोमाइ आ मती, अल्‍फयासके बेटा याकुब आ देसभक्‍त दलके सिमोन आ याकुबके बेटा यहुदा छेलै।

परेरित 1:13 ပူးပေါင်းရင်းမြစ်များ

मतीके लिखल सुसमाचार 9:9

येसु ओतेसे जाइत खिना एक गोरा बटी उठाइबला मती नाम भेल लोकके बटी उठाइबलाके अडामे बैठल देखल्‍कै आ येसु ओकरा कहल्‍कै, “हमर पछा लाग।” तब उ उइठके ओकर पछा लाग्‍लै।

मरकुस 14:15

तब उ तोरासबके सजिसजाउ कैरके तैयार करल दोमहलाके उपरका बरका कोठली देखाइतौ आ ओतै तुसब हमरासबके खातिर भोज तैयार कर।”

मरकुस 14:33

तब पतरुस, याकुब आ युहन्‍नाके येसु आपनसङे ल्‍याके गेलै, ओकर मन एकदम चिन्‍तासे बिचलित हेबे लाग्‍लै।

मरकुस 2:14

ओतेसे जाइतकाल येसु अल्‍फयासके बेटा लेबीके बटी उठाइबलाके अड्‍डामे बैठल देखके कहल्‍कै, “हमर पछा लाग।” लेबी उठके ओकर पछा लाग्‍लै।

मरकुस 5:37

तब येसु पतरुस, याकुब आ याकुबके भाइ युहन्‍ना बाहेक औरो ककरो आपनसङे आबैके अनुमति नै देल्‍कै।

मरकुस 9:2

छठम दिन बाद येसु आपनसङे पतरुस, याकुब आ युहन्‍नाके साथमे ल्‍याके एकटा उच्‍का पहारमे गेलै आ ओते औरो कोइ नै छेलै। तब ओकरेसबके सामनेमे देख्‍ते-देख्‍ते ओकर रुप बदैल गेलै।

लुका 22:12

तब उ तोरासबके उपरका तलामे बरका सजाल कोठली देखाइतौ, ओहेमे भोज तैयार करिहे।”

युहन्‍ना 11:16

तब ओकर चेलासबमेसे दिदुमस कहाइबला थोमा आपन सङी चेलासबके कहल्‍कै, “ले आब अपनासब चल आ ओकरेसङे मरब।”

युहन्‍ना 14:22

यहुदा इस्‍कोरियोत नै महज, दोसरे यहुदा कहाइबला चेला येसुके कहल्‍कै, “परभु, अहाँ सन्‍सारके लग परगट नै भ्‍याके कथिले हमरेसबलग मातरे अपने आपके परगट करैचियै?”

युहन्‍ना 18:17

तब देहरीमे पहरा दैबाली छौरी पतरुसके कहल्‍कै, “कि तुहु ओइ लोकके चेलासबमेसे एक गोरे त नै चिही?” पतरुस जबाफ देल्‍कै, “हम नै चियै!”

युहन्‍ना 21:2

सिमोन पतरुस, जौवा कहाइबला थोमा, गालिलके काना सहरमे रहैबला नथानेल, जब्‍दियाके दुनु बेटासब आ ओकर औरो दुनु चेलासबसेहो सङे छेलै।

परेरित 12:17

पतरुस ओइसबके “चुप हो” कैहके हाथसे इसरा करल्‍कै आ परभु कनङ ओकरा जहलसे निकालल्‍कै से बात ओइसबके सुनाइल्‍कै। यि बात “याकुब आ ओकर दोसरो भाइसबके कहल्‍कै।” तब उ ओतेसे दोसर ठाम चैलगेलै।

परेरित 15:13

उसब बोइललेलाके बाद याकुब ठार भ्‍याके पुछल्‍कै, “हौ भैयारीसब, अहाँसब हमर बात सुनु।

परेरित 2:14

तब पतरुस एगारहो गोरे सङे ठडा भ्‍याके जोरसे कहल्‍कै, “यहुदियाके लोकसब आ यरुसलेममे रहैबला जम्‍मे लोकसब, तुसब धियान द्‍याके सुन ओते कथी भेल छेलै से हम तोरासबके बुझाइबौ।

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

परेरित 20:8

हमसब जते जम्‍मा भेल छेलियै तकर उपरका कोठलीमे बहुत चिरखासब नेसल छेलै।

परेरित 4:13

जब उसब पतरुस आ युहन्‍नाके निडर भ्‍याके बाजैत देखल्‍कै आ यि बुझल्‍कै कि यीसब कम परहल-लिखल आ सधारन लोक चियै से देखके उसब छक परलै। तब उसब येसु सङे रहै से थाह पाबल्‍कै।

परेरित 4:19

महज पतरुस आ युहन्‍ना ओइसबके जबाब देल्‍कै, “परमेस्‍वरके बात सुननाइ कि लोकके कहल बात सुननाइ परमेस्‍वरके नजरमे कोन उचित छै, अकर बिचार अहाँ आपने करु।

१ कोरन्‍थी 15:7

तकरबाद उ याकुब आ सब परेरितसब लग परगट भेलै।

गलाती 1:19

महज परभुके भाइ याकुबके छोइरके हम औरो कोनो परेरितके नै भेटलियै।

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।

२ युहन्‍ना 1:1

हम एल्‍डरके तरफसे, परमेस्‍वरके चुनल जनी आ ओकर बेटा-बेटीके यि चिठी लिखैचियै, जकरा हम साँचोके परेम करैचियै, हम मातरे नै महज सतके चिन्‍हैबला सबकोइ परेम करैछै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।