३ युहन्‍ना 1:6 - मध्‍य पुरविया थारू

⁶ उसब तोहर परेमके बारेमे मन्‍डलीमे साक्‍छी देनेछै। तु परमेस्‍वरके नजरमे मनपरैबला हिसाबसे ओइसबके यातरामे अगा बरहैके लेल मदत करबिही त असल हेतौ।

३ युहन्‍ना 1:6 ပူးပေါင်းရင်းမြစ်များ

परेरित 15:29

आब मुल बातसब एह्‍या चियै- मुरुतके चरहौवा खाइबला कोनो चिज नै खो, कुछोके लहु, कन्‍ठ किचके मारल पसुके मौस नै खो, बेबिचारसे अलग भ्‍याके रह, यि बातसबके पालन करबिही त तोरासबके लेल असल हेतौ। तोरासबके भलाइ हेबे। बिदा।

परेरित 15:3

एन्‍टिओखिया मन्‍डलीके सब बिस्‍बासीसबके ओतेसे जाइले छुट्‍टी देल्‍कै। उसब फोनिके आ सामरिया परदेस हैतगेलै आ ओतेका बिस्‍बासीसब कनङके गैर-यहुदीसब परभुके बिस्‍बास करल्‍कै से बातसब बिस्‍तारमे सुनाइल्‍कै। यि बात सुइनके ओतेका बिस्‍बासीसब बहुते खुसी भेलै।

परेरित 21:5

जब जाइबला समय आइबगेलै तब हमसब बिदा भ्‍याके आपन रस्‍तामे अगा बरहलियै। चेलासब आपन घरबाली आ बाल-बच्‍चाकेसङे हमरासबके अरियातैले नगर बाहरतक एलै। हमसब समुन्‍दरके पखामे ठेङहुनिया द्‍याके परथना करलियै।

रोमी 15:24

ओहैसे हम इस्‍पेन परदेस जाइबखत बाटेमे तोरासबके भेटैके आसा करनेचियौ आ कुछ समय तोरासबसङे बिताबैके इक्‍छा करनेचियै। तब हमरा तुसब इस्‍पेन परदेस जाइले सहायता करबिही से आसा हम करनेचियौ।

२ कोरन्‍थी 1:16

हम माकेडोनिया परदेस जाइबेर तोरासबसे भेटघाट करबौ आ माकेडोनियासे घुइमके आबैतो काल तोरासबलग एबौ आ ओतेसे यहुदिया परदेस जाइबेर तुसब हमर लेल बेबस्‍था मिलाइबिही कैहके हम चाहैछेलियै।

फिलिप्‍पी 4:14

चाहे जे हेबे, तुसब हमर कस्‍टमे मदत कैरके एकदम असल करलिही।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

तितस 3:13

तु वकिल जेनस आ अपोल्‍लोसके जाइबला सफरमे सकैजतहेक सहायता करिहे। खाँचो परैबला सब चिजके मदत करिहे।

१ पतरुस 2:20

यदि कोइ खराब काम कैरके सरासर दन्‍ड भोग्‍तै त, उ कनङके चाबसी पाबतै? महज कोइ असल काम कैरते कैरते सरासर दन्‍ड पाबतै त, परमेस्‍वर ओकरसे खुसी हेतै।

३ युहन्‍ना 1:12

डेमेतिरियसके बारेमे सबलोक असल गबाही दैछै आ उ सतमे चलैछै से बात ओकर जिबनसे सत आपनेसे साक्‍छी देनेछै। हम्‍हुसब ओहै बातके गबाही दैचियै आ तुसब जान्‍बे करैचिही कि, अपनासबके गबाही सत छै।