२ थेसलोनिकी 3:5 - मध्‍य पुरविया थारू

⁵ तोरासबके हिरदय परमेस्‍वरके परेमके बुझैले आ खिरिस्‍टके जखा सहैबला सक्‍ती परभु देबे।

२ थेसलोनिकी 3:5 ပူးပေါင်းရင်းမြစ်များ

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

रोमी 8:25

यदि अपनासब नै देखलहा चिजके आसा करैचियै त, धिरजसे अपनासब ओहै चिजके लेल असियाल रहैचियै।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

१ कोरन्‍थी 8:3

महज जे लोक परमेस्‍वरके परेम करैछै, परमेस्‍वर ओकरा चिन्‍हैछै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

१ थेसलोनिकी 3:11

आब अपनासबके परमेस्‍वर पिता आपनेसे आ अपनासबके परभु येसु हमरासबके लेल तोरासबलग आबैले रस्‍ता खोइलदेबे।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

१ पतरुस 4:1

खिरिस्‍ट आपन देहमे दुख भोगल्‍कै ओहिनङे तुहुसब सेहो ओकरे जखा सोच राख, कथिलेकी जे लोक देहमे दुख भोगनेछै, से पापसे दुर रहैछै।

२ पतरुस 3:12

तुसब परमेस्‍वरके नियाय करैबला दिनके बाट ताकैचिही, उ दिन झटसे आबे कैहके करैबला काम कर। उ दिन सारा अकास आइगसे भस्‍म हेतै आ ओते भेल सबचिज आइगके धाहसे गैलजेतै।

१ युहन्‍ना 4:19

हमसब एक-दोसरके परेम करैचियै कथिलेकी परमेस्‍वर हमरासबके पहनिये परेम करल्‍कै।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

परकास 13:10

यदि कोनो लोक कैदके लेल छै त ओकरा कैद कैरके ल्‍याजेतै आ कोनो लोकके तरबारसे मारैके छै त उ साँचोके तरबारेसे मारल जेतै। तैल्‍याके परमेस्‍वरके लोकसबमे सहैके सक्‍ती आ बिस्‍बास हेबेपरतै।