२ थेसलोनिकी 3:2 - मध्‍य पुरविया थारू

² परमेस्‍वर हमरासबके खराब आ दुस्‍ट लोकसबसे बचाबे कैहके परथना कैरदे, कथिलेकी सब लोकसब परमेस्‍वरके बचनमे बिस्‍बास नै करैछै।

२ थेसलोनिकी 3:2 ပူးပေါင်းရင်းမြစ်များ

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

मतीके लिखल सुसमाचार 23:23

“महज तु धरमगुरुसब आ फरिसीसबके धिक्‍कार! तुसब कपटी चिही! कथिलेत तुसब पुदिना, सोप आ जिराके दसांस त चरहाइचिही, महज बेबस्‍थामे रहल गहनगर बातसब नियाय, दया आ बिस्‍बास योग्‍य जखा बहौत असल बातसबके कुछो मतलब नै राखैचिही। महज करैके एहो छेलौ कि तुसब बेबस्‍थामे रहल बातसबके माने परतियौ।

लुका 18:8

हम तोरासबके कहैचियौ, परमेस्‍वर आपन लोकसबके जल्‍दीए अनियाइसे बचाइतौ। जब मानबके बेटा पिरथिबीमे एतै त ओकरा बिस्‍बास करैबला भेटतै?”

परेरित 13:45

लोकसबके भिर देखके यहुदीसब एकदमसे डाह करे लाग्‍लै। पावल जे बाजैछेलै तै बातके उसब अपमान करैत ओकर बिरोध करे लाग्‍लै।

परेरित 13:50

महज यहुदीसब परमेस्‍वरके भक्‍ति करैबला जनिसब आ सहरके नेतासबके समेत पावल आ बरनाबासके बिरोधमे चरह्‍या-बरह्‍याके ओइसबके ओइ इलाकासे भगा देल्‍कै।

परेरित 14:2

महज बिस्‍बास नै करैबला यहुदीसब गैर-यहुदीसबके उस्‍काके परभुमे बिस्‍बास करैबला लोकसबके बिरोध करैले लगाइल्‍कै।

परेरित 17:5

महज औरो यहुदीसब ओइसबके डाह करै आ बजारके गुन्‍डा बदमाससबके बोल्‍याके बजारमे हो-हल्‍ला करैले लगाइल्‍कै। तकरबाद यासोनके घरमे हमला कैरके पावल आ सिलासके लोकसबके भिरके अगामे आनैले चाहल्‍कै।

परेरित 25:27

कथिलेत कोनो दोसे बिना ओकरा पठाइले हमरा निक नै लाग्‍तै।”

परेरित 28:24

कतहेक गोरा बुइझके बिस्‍बास करल्‍कै त, कतहेक गोरा नै करल्‍कै।

रोमी 10:16

महज सुनैबला लोकसब सुसमाचारके सुइकार नै करल्‍कै, कथिलेत यसैया अगमबक्‍ता कहैछै, “हे परभु, हमरासबके परचार करल सुसमाचारमे के बिस्‍बास करने छै से?”

रोमी 15:31

हम यहुदिया परदेसमे भेल परमेस्‍वरमे बिस्‍बास नै करल लोकसबसे बचैले सकि आ जे रुपैया-पैसा पुगाबैले हम यरुसलेम ज्‍यारहल चियै तकरा ओइ ठाममे परमेस्‍वरके पबितर जनसब खुसीसे सुइकार करैले सके कैहके परथना कैरदिहे।

१ कोरन्‍थी 15:32

लोकसबके हिसाबसे कहैचियौ त, एफिसस सहरमे हम जङली जानबरसब जखा लोकसबसङे लराइ कैरके हमरा कि फैदा भेलै? यदि मरल लोक जीके नै उठैछै त “खो आ पि, कथिलेत हमसब त काइल मैर जेबै।”

१ थेसलोनिकी 2:18

हमसब तोरासबलग जाइले चाहैत रहियै। हम पावल त औरो घरि घरि आबैले कोसिस करलियै, महज सैतान हमरासबके बाधा देल्‍कै।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।