२ थेसलोनिकी 3:16 - मध्‍य पुरविया थारू

¹⁶ आब सान्‍ती दैबला परभु आपनेसे हरघरी आ हरतरहसे तोरासबके सान्‍ती देबे। परभु तोरासबगोरा सङे रहे।

२ थेसलोनिकी 3:16 ပူးပေါင်းရင်းမြစ်များ

मतीके लिखल सुसमाचार 1:23

“देख, कुमाइर छौरीके देहभारी हेतौ आ उ एकटा बेटा जलमाइतौ आ ओकर नाम इम्‍मानुएल राखल जेतै” जकर अरथ हैछै, “परमेस्‍वर हमरासबसङे छै।”

मतीके लिखल सुसमाचार 28:20

हम तोरासबके आग्‍या करल सब बात मानैले ओकरासबके सिखा। देख, हम युगके अन्‍ततक सबदिन तोरासबके सङे चियौ।”

लुका 2:14

“स्‍वरगमे परमेस्‍वरके महिमा आ पिरथिबीमे जै लोकसबसे परमेस्‍वर खुसीछै, ओकरासबके सान्‍ती।”

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

रोमी 1:7

तुसब रोम सहरमे भेल सब लोकसबके परमेस्‍वर परेम करैछै, जे परमेस्‍वरके पबितर लोक हैकेलेल बोल्‍यालगेलछै। अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

रोमी 15:33

सान्‍ती दैबला परमेस्‍वर तोरासबसङे रहे। आमेन।

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

१ कोरन्‍थी 14:33

कथिलेत परमेस्‍वर गोलमालके परमेस्‍वर नै चियै, महज सान्‍तीके परमेस्‍वर चियै। जनङ सब मन्‍डलीमे भेल्‍हा सन्‍तसबके तौरतरिका अनुसार परमेस्‍वरके बिस्‍बासीसबमे छै।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

एफिसी 6:23

सब बिस्‍बासी भाइ-भैयारीसबके परमेस्‍वर पिता आ अपनासबके परभु येसु खिरिस्‍ट सान्‍ती, परेम आ बिस्‍बास देबे।

१ थेसलोनिकी 3:11

आब अपनासबके परमेस्‍वर पिता आपनेसे आ अपनासबके परभु येसु हमरासबके लेल तोरासबलग आबैले रस्‍ता खोइलदेबे।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

२ थेसलोनिकी 3:18

अपनासबके परभु येसु खिरिस्‍टके अनुगरह तोरासबकोइ सङे रहे।

२ तिमोथी 4:22

परभु तोहर आत्‍मामे बास करैत रहे। तोरासबके उपर परमेस्‍वरके अनुगरह बनल रहे।

फिलेमोन 1:25

परभु येसु खिरिस्‍टके अनुगरह तोरासबसङे रहे।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

हिबरु 7:2

अबराहम रजासबसे जितके आनल सब धनसम्‍पतीके दसान्‍स मल्‍कीसेदेकके देल्‍कै। मल्‍कीसेदेक नाउके अरथ, “धारमिक हिसाबसे सासन करैबला रजा” चियै। सालोमके रजा भेलासे ओकर नामके अरथ “सान्‍तीसे सासन करैबला रजा” चियै।