२ थेसलोनिकी 2:9 - मध्‍य पुरविया थारू

⁹ उ ब्‍यबस्‍था भङ करैबला सैतानके सक्‍ती ल्‍याके एल रहैछै, तब सब तरहके झुठा चेन्‍हा आ अजगुत-अजगुतके कामसबके चेन्‍हा देखाइतौ।

२ थेसलोनिकी 2:9 ပူးပေါင်းရင်းမြစ်များ

मतीके लिखल सुसमाचार 12:22

तब लोकसब एकटा भुत आत्‍मा लागल आन्‍हर आ बौक लोकके येसु लग आनल्‍कै। येसु ओकरा निक करल्‍कै तब उ लोक बोले आ देखे लाग्‍लै।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

मतीके लिखल सुसमाचार 4:10

तब येसु फेनो ओकरा जबाब देल्‍कै, “ऐ सैतान, तु हमर नजरसे दुर भ्‍याजो! कथिलेत लिखल छै, ‘तु परमपरभु आपन परमेस्‍वरके गोर लाग आ ओकरेटा सेबा कर।’”

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

लुका 11:25

जब उ घुइमके आबैछै, तब उ घर साफ-सुधरा करल आ मिलल देखैछै।

युहन्‍ना 4:48

येसु ओकरा कहल्‍कै, “तुसब जाबे तलिक अजगुतके कामसब आ चेन्‍हासब नै देखबिही ताबे तलिक कहियो नै बिस्‍बास करबही।”

युहन्‍ना 8:41

तुसब ओह्‍या करैचिही जे तोहर पिता करल्‍कौ।” उसब येसुके कहल्‍कै, “हमसब बेबिचारमे जलमल नै चियै। हमरासबके त एकेटा पिता छै, उ परमेस्‍वर चियै।”

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

परेरित 13:10

“ऐ सैतानके बच्‍चा, सब सतकरमके दुस्‍मन, तु सबकिसीमके छलकपट आ बैमानीसे भरल चिही! कि तु सोझ बाटके टेढ करैले नै छोरबिही?

२ कोरन्‍थी 11:14

यि कोनो अचमके बात नै चियै, कथिलेकी सैतानो चम्‍कैबला स्‍वरगदुतके जखा भेस धारन करैछै।

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

२ तिमोथी 3:8

जनङ यान्‍नेस आ याम्‍बरेस मोसाके बिरोध करने रहै, तैहनङ यि लोकसब सत्‍यताके बिरोध करैछै। अकरौरके बुइध भरस्‍ट भ्‍यागेल्‍छै आ बिस्‍बास हराएल छै।

याकुब 3:15

एहेन बुइध स्‍वरगसे नै आबैछै, महज यि त सन्‍सारसे, लोकके आपन चाहनासे आ सैतानसे आबैछै।

परकास 12:17

तब उ अजेगर ओइ जनीसङे औरो खिस्‍याइलै आ ओकर सन्‍तान, परमेस्‍वरके आग्‍या मानैबलासब आ येसुके साक्‍छी दैबलासब सङे लराइ करे गेलै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 18:23

आबसे तोहरमे चिरखाके इजोत कहियो नै चमकतौ आ तोहरमे बर-कनियाके सोर कहियो सुनैले नै पाबतै। कथिलेत तोहर बेपारीसब सन्‍सारके धनिक-धनिक लोकसब छेलै आ तोहर जादु-टोनासे सब जातिके लोकसब ठगलगेल छेलै!”

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।

परकास 9:11

नरकके दुत ओइसबके रजा छेलै। हिबरु भसामे ओकर नाम “एबाड्‍डोन” आ गिरीक भसामे ओकर नाम “अपोल्‍लियोन” चियै। जकर अरथ “नास करैबला” चियै।