२ थेसलोनिकी 1:9 - मध्‍य पुरविया थारू

⁹ एहैन लोकसब परभुके उपस्‍थिती आ ओकर सक्‍तिके महिमासे अलग हेतै आ सबदिनके लेल नास हेतै।

२ थेसलोनिकी 1:9 ပူးပေါင်းရင်းမြစ်များ

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

मतीके लिखल सुसमाचार 22:13

तब रजा आपन नोकरसबके आदेस करल्‍कै, ‘ले, ओकर हाथ-टाङ बान्‍हके बाहरके अन्‍हारमे फेकदहै, जते उ कान्‍तै आ दात किटकिटाइतै।’”

मतीके लिखल सुसमाचार 24:30

“तकरबाद मानबके बेटा आबैके चेन्‍हा अकासमे देखा परतै। पिरथिबीके सब जातीसब कना रोहैट करतै आ मानबके बेटाके बादलमे सक्‍ती आ बरका महिमाके सङे आबैत देखतै।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

मतीके लिखल सुसमाचार 26:24

मानबके बेटाके समबन्‍धमे जे धरमसास्‍तरमे लिखल छै, तहिने ओकरा जाही परतै, महज धिक्‍कार छै ओइ लोकके जे मानबके बेटाके पकराइतै। उ लोक जलम नै लेने रहतियै त ओकरलेल असल हेतियै।

मतीके लिखल सुसमाचार 7:23

तखैन हम तोरासबके कहबौ, ‘हम तोरासबके चिन्‍हबो नै करैचियौ। ए दुस्‍ट काम करैबलासब, हमरसे दुर चैलजो।’

लुका 13:27

महज उ फेनो कहतौ, ‘तुसब के चिही? हम नै चिन्‍हैचियौ। ए दुस्‍ट काम करैबलासब, हमरसे दुर चैलजो!’

युहन्‍ना 5:14

कुछ देरके बाद येसु उ लोकके मन्‍दिरमे भेटके कहल्‍कै, “देख, तु निक करल गेलचिही। आबसे फेनो पाप नै कर, नै त तोहर उपर औरो खराब अबस्‍था आइबजेतौ।”

फिलिप्‍पी 3:19

बिनास ओइसबके अन्‍त चियै, पेट ओइसबके देबता चियै, लाज मानैबला बातसबमे उसब घमन्‍ड करैछै। ओइसबके मन सन्‍सारिक बातसबमे मातरे लागल रहैछै।

१ थेसलोनिकी 5:3

जब लोकसब “सान्‍ती आ सुरक्‍छा” कहैत रहतै, तै बखत जनङ देहभारी भेल जनी बच्‍चाके जल्‍माबैके पिरा उखरैछै तहिनङ अचानक ओइसब उपर आफत एतै आ उसब ओइसे नै बाच्‍बे।

२ थेसलोनिकी 2:8

उ ब्‍यबस्‍था भङ करैबला लोक परकट हेतै। जकरा परभु येसु आपन मुहके एक साँसमे नास करतै। परभु येसुके आपन आगमनके चमकके तेजसे ओकरा नास करतै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

हिबरु 10:29

तुसब आपने बिचार कर, परमेस्‍वरके बेटाके अनादर करैबला, आपनेके पबितर बनाइबला करारके लहुके अपबितर करैबला आ अनुगरह दैबला पबितर आत्‍माके अपमान करैबला लोक औरो बरका सजाय पाबतै।

२ पतरुस 2:17

एहैन लोकसब त पानी बिनाके भवसब जखा चियै आ हबा बिहाइरसे उरैबला गरदा जखा चियै। एहैन लोकसबके लेल परमेस्‍वर पतालके अन्‍धकार जतनके राखनेछै।

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।

यहुदा 1:13

उसब समुन्‍दरके बरका झोह जखा चियै आ आपन घिन्‍याल बात समुन्‍दरके गेजुवा जखा देखाइछै। उसब अने-ओने घुमैबला तरासब जखाछै, जकरासबके लेल सबदिनके खातिर पतालके अन्‍धकार राखलछै।

परकास 20:11

तकरबाद हम एकटा बरका उजर सिंहासन आ ओइमे बैठैबलाके देखलियै। पिरथिबी आ अकास ओकर सामनेसे भाग्‍लै आ उसब फेनसे कहियो नै देखा परलै।

परकास 20:14

मिरतु आ पताल आइगके भठिमे फेकलगेलै। यि दोसर मिरतु चियै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।