२ थेसलोनिकी 1:8 - मध्‍य पुरविया थारू

⁸ तब परमेस्‍वरके नै चिन्‍हैबलासब आ परभु येसुके सुसमाचारके नै मानैबलासबके सजाय देतै।

२ थेसलोनिकी 1:8 ပူးပေါင်းရင်းမြစ်များ

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

युहन्‍ना 3:19

इजोत सन्‍सारमे एलछै आ लोकसब इजोतके बदला अन्‍हारके परेम करल्‍कै। कथिलेत ओइसबके काम दुस्‍ट छेलै। अहै कारन उसब दोसी ठहरतै।

युहन्‍ना 8:19

तब उसब येसुके पुछल्‍कै, “तोहर पिता कते छौ?” येसु ओइसबके जबाफ देल्‍कै, “तुसब नै त हमरा चिन्‍हैचिही आ नै त हमर पिताके। यदी तुसब हमरा चिन्‍हतिही त हमर पितोके चिन्‍हने रहतिही।”

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 10:16

महज सुनैबला लोकसब सुसमाचारके सुइकार नै करल्‍कै, कथिलेत यसैया अगमबक्‍ता कहैछै, “हे परभु, हमरासबके परचार करल सुसमाचारमे के बिस्‍बास करने छै से?”

रोमी 15:18

येसु खिरिस्‍ट हमर जिबनसे करल कामके बारेमे मातरे हम बोलैले साहस करैचियै। उ हमर काम आ परचारसे गैर-यहुदीसब परमेस्‍वरके आग्‍यापालन करैले सिखनेछै।

रोमी 16:26

अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

रोमी 6:16

तुसब जकर आग्‍यापालन करैचिही ओकर दास हैचिही से तोरासबके थाह छौ। तुसब पापके दास भ्‍याके ओकर आग्‍यापालन करबिही त मरबिही, महज परमेस्‍वरके आग्‍यापालन करबिही त, तुसब ओकर अगा धरमी ठहरबिही।

१ कोरन्‍थी 15:34

होसमे या आ आबसे पाप नै कर। कथिलेत तोरासबमेसे कतहेक गोरे परमेस्‍वरके नै चिनहने चिही। यि त तोरासबके लेल सरमके बात चियौ।

२ कोरन्‍थी 10:5

परमेस्‍वरके सत ग्‍यानके बिरोधमे उठैबला बहस आ घमन्‍डसे भरल बाधाके हमसब नास करैचियै आ सब खराब बिचारके खिरिस्‍टके आग्‍यापालन कराबैले बसमे करैचियै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।

गलाती 4:8

तुसब परमेस्‍वरके चिन्‍हैसे पहिने बहुतो देबी-देउतासबके पुजा करैछेल्‍ही, जे परमेस्‍वर नै चियै। तुसब ओकर दास छेल्‍ही।

१ थेसलोनिकी 4:5

परमेस्‍वरके नै चिन्‍हैबला लोकसब जखा बेबिचारके ललसा नै कर।

हिबरु 10:27

महज पाप करैबलासब डराइते परमेस्‍वरके इन्‍साफके असियाल रहतै आ परमेस्‍वर आपन बिरोधीसबके जरैत आइगमे नास करतै।

हिबरु 10:30

कथिलेत एहैन कहैबलाके हमसब चिन्‍हैचियै, “बदला लैबला काम हमर चियै, बदला हम लेबै।” उ फेन कहैछै, “परमपरभु आपन लोकसबके नियाय करतै।”

हिबरु 11:8

बिस्‍बास दुवारा अबराहम परमेस्‍वरके कहल मानल्‍कै आ जो कैहके कहल ठामदिसन गेलै, जे ठाम परमेस्‍वर ओकरा देबौ कैहके परतिग्‍या करने छेलै। कते जेबै कैहके ओकरा थाहे नै छेलै तैयो उ आपन देस छोइरके गेलै।

हिबरु 12:29

कथिलेकी अपनासबके परमेस्‍वर त भसम करैबला आइग चियै।

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

१ पतरुस 3:6

जनङकी सारा, आपन घरबला अबराहमके आपन पतिदेब माइनके ओकर कहल मानैछेलै। यदि तुहुसब कोनो बातके डर नै माइनके ठिक काम करबिही त, तुहुसब साराके बेटीसब कहाइबिही।

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।

यहुदा 1:7

तहिनङे सदोम, गमोरा आ ओकर कातकरौतके सहरके लोकसब एक एक कैरके दोसर घिनौना बेबिचारके काम करे लाग्‍लै। उसब आइगमे नास भ्‍याके कहियो नै बुताइबला आइगके दन्‍ड पाबैबलासबके लेल उदाहरन बन्‍लै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 6:10

तब उसब अनङ कहैत जोरसे चिच्‍याके कहल्‍कै, “हे सरबसक्‍तिमान, पबितर आ सत परभु, पिरथिबीमे हमरासबके मारैबलाके अहाँ कहियातक इन्‍साफ नै करबै आ हमरासबके लहुके बदला नै लेबै?”