२ कोरन्‍थी 8:4 - मध्‍य पुरविया थारू

⁴ उसब परमेस्‍वरके सन्‍तसबके सहायता करैके लेल मौका दिय कैहके हमरासबके बेर-बेर बिन्‍ती करल्‍कै।

२ कोरन्‍थी 8:4 ပူးပေါင်းရင်းမြစ်များ

मतीके लिखल सुसमाचार 10:42

जे हमर छोटसे छोट चेलासबमेसे ककरो हमर चेला कैहके एक लोटा जुर पानी पियैले देतै त, हम साँचेके कहैचियै उ आपन इनाम नै गुमाइतै।”

मतीके लिखल सुसमाचार 12:50

कथिलेत जे स्‍वरगमे रहैबला परमेस्‍वर पिताके इक्‍छा पालन करैछै, उहे हमर माँ आ हमर भाइ आ हमर बहिन चियै।”

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

मरकुस 14:7

कथिलेत गरिबसब त तोरेसबसङे सबदिन रहतौ आ जब तोरासबके इक्‍छा लाग्‍तौ त कोनो बखत तुसब भलाइ कैर सकबिही। महज हम त तोरासबके सङे सबदिन नै रहबौ।

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

परेरित 16:15

जब उ आ ओकर घरके सबलोक बप्‍तिस्‍मा लेल्‍कै आ हमरासबके आगरह करल्‍कै, “यदी अहाँसब साँचोके हमरा परभुके बिस्‍बासी कहैचियै त हमर घरमे आइबके रहु।” आ उ हमरासबके जबरजस्‍ती करेलाग्‍लै ताकि हमसब ओकर घरमे जाइ।

परेरित 24:17

“बहुत बरिस बितलाकेबाद हम आपन जातीके भाइ-भैयारीसबके दान आ परमेस्‍वरके भेटी चरहाबैके लेल यरुसलेम एल छेलियै।

रोमी 15:31

हम यहुदिया परदेसमे भेल परमेस्‍वरमे बिस्‍बास नै करल लोकसबसे बचैले सकि आ जे रुपैया-पैसा पुगाबैले हम यरुसलेम ज्‍यारहल चियै तकरा ओइ ठाममे परमेस्‍वरके पबितर जनसब खुसीसे सुइकार करैले सके कैहके परथना कैरदिहे।

१ कोरन्‍थी 16:1

यरुसलेममे रहल परमेस्‍वरके जनसबके लेल भेटी जम्‍मा करैके बिसयमे हम गलातियाके मन्‍डलीसबके जे कहने छेलियौ तहिनङे तुहुसब कर।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

२ कोरन्‍थी 9:1

यहुदियामे रहल बिस्‍बासीसबके लेल पठेल्‍हा भेटीके बारेमे तोरासबके लिखैले कोनो आबसेक नै छै।

गलाती 2:10

उसब गरिबसबके याद कर कैहके मातरे हमरासबके समझाइल्‍कै आ हम ओहिनङे करैले चाहैछेलियै।

गलाती 6:10

तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।