२ कोरन्‍थी 8:3 - मध्‍य पुरविया थारू

³ कथिलेकी हम गबाही दैचियै कि, उसब आपन औकात अनुसार मातरे नै महज औकातोसे बहौत बेसि आपन राजिखुसीसे देल्‍कै।

२ कोरन्‍थी 8:3 ပူးပေါင်းရင်းမြစ်များ

मरकुस 14:8

यि जनी जे कुछ करे सक्‍तियै ओह्‍या करल्‍कै। यि हमर देह गारैसे पैहनैये गमकौवा अतर लग्‍याके तैयार कैने छै।

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

रोमी 10:2

उसब परमेस्‍वरके भितरी हिरदयसे जोसके साथ सेबा करैले चाहैछै, से बात हम कहैचियौ। महज कनङके सेबा करतै से बात उसब जान्‍बे नै करैछै।

१ कोरन्‍थी 16:2

हरेक हप्‍ताके पहिन्‍का दिन तुसब आपन-आपन कमाइ अनुसार कुछ अलग कैरके जम्‍मा करैतरह, ताकी हम तोहर लग एबौ त भेटी जम्‍मा करैले नै परे।

१ कोरन्‍थी 9:17

यदि यि काम हम आपन इक्‍छासे करैचियै त, हम आपन इनाम पाबतियै। महज परमेस्‍वर हमरा यि कामके जिम्‍मेबारी देलाके कारनसे हम आपन करतब समैझके यि काम पुरा करैचियै।

गलाती 4:15

ओइ बखत तुसब कतहेक खुसी छेल्‍ही, यदि मिलतियौ त ओइ बखत तुसब आपन आँखो निकाइलके हमरा देबे परतियौ त दैले तैयार हेत्‍ही। हम अकर गबाही चियौ। महज अखुन कथी भेलौ?

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

कलस्‍सी 4:13

उ तोरासबके खातिर, लाउडिकिया आ हिरापोलिसके लोकसबके खातिर बहौत मेहनत करनेछौ। हम यि बातके गबाही चियौ।

१ थेसलोनिकी 2:8

हमसब तोरासबके बेसी परेम करलाके कारन परमेस्‍वरके सुसमाचार मातरे नै बल्‍की आपन परानो तक दैले तयार भेलियै। कथिलेकी तुसब हमरासबके लेल कतेक पिरिय भेल छेल्‍ही।

फिलेमोन 1:14

महज तोहर अनुमती बिना हमरा अनङ करैले निक नै लागल कथिलेकी तु करकापमे नै महज आपने इक्‍छासे सहायता कर कैहके हम चाहैचियै।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।

१ पतरुस 5:2

तोरासबके जिम्‍मामे देल परमेस्‍वरके भेरासबके देखभाल कर। यि काम करकापमे पैरके नै महज खुसिसे परमेस्‍वरके इक्‍छा बमोजिम आ कोनो पैसा-कौरीके लोभसे नै महज सेबाके मन ल्‍याके कर।