२ कोरन्‍थी 8:23 - मध्‍य पुरविया थारू

²³ तितस हमर सङी चियै आ तोरासबके सहायता करैके लेल हमरसङे काम करैछै। ओकरसङे जाइबला भाइसबके खिरिस्‍टके महिमाके लेल मन्‍डलीसब पठाइनेछै।

२ कोरन्‍थी 8:23 ပူးပေါင်းရင်းမြစ်များ

लुका 5:10

सिमोन सङे-सङे सझियारमे काम करैबला जब्‍दियाके बेटासब याकुब आ युहन्‍ना ओहो छक्‍के परलै। येसु सिमोनके कहल्‍कै, “नै डेरा, आबसे तु माछ नै महज लोकसबके पकैरके हमरलग आनबिही।”

लुका 5:7

उसब दोसर नाहके सझियारसबके आइबके मदत करैले इसरा करल्‍कै। उसब आइबके दुनु नाह माछसे भरल्‍कै तै भारीसे नाहसब डुबेलाग्‍लै।

युहन्‍ना 13:16

साँचोके हम तोरासबके कहैचियौ, नोकर आपन मालिकसे बरका नै हैछै, समाद पठाइबलासे समाद आनैबला बरका नै हैछै।

१ कोरन्‍थी 11:7

पुरुखके आपन सिर नै झापैके चाही, कथिलेत उ परमेस्‍वरके स्‍वरुप आ सोभा चियै, महज जनी पुरुखके सान चियै।

२ कोरन्‍थी 12:18

हम तितसके तोरासबलग जाइले बिन्‍ती करलियै आ दोसरो भाइके ओकरसङे पठेलियै। कि तितस तोरासबसे किछो फाइदा उठेल्‍कौ? कि हमसब एके आत्‍मासे नै चललियै आ कि हमसब एके रस्‍तामे नै चललियै?

२ कोरन्‍थी 7:6

महज निरास भेलसबके सान्‍तबना दैबला परमेस्‍वर तितस एलासे हमरासबके सान्‍तबना देल्‍कै।

२ कोरन्‍थी 8:16

परमेस्‍वरके धन्‍यबाद हेबे, परमेस्‍वर तोरासबके लेल हमरे जखा इक्‍छा तितसके हिरदयमे राइखदेल्‍कै।

२ कोरन्‍थी 8:18

हमसब तितससङे एकटा भाइके पठाबैचियौ, जकर नाम सुसमाचार परचारके काममे सब मन्‍डलीके बिचमे चललछै।

२ कोरन्‍थी 8:19

अतबे नै, अकरा जम्‍मा करल पैसा पुगाबैबला काममे हमरासबसङे जाइले मन्‍डलीसे छान्‍नेछै। यि काम हमसब परभुके महिमाके लेल आ हमरासबमे लोकसबके मदत करैबला मन छै से देखाइले करनेचियै।

२ कोरन्‍थी 8:22

हमसब ओइसबसङे एकटा औरो भाइके पठाबैचियौ। हमसब ओकरा बहुतो बेर जाँचलियै आ काम करैमे एकदमे जोसगर पाबलियै। अखनियो तोरासबपरती ओकर बरका भरोसा छै आ मदत करैले औरो जोसगर भेलछै।

२ कोरन्‍थी 8:6

ओहैसे तितस पहिनेसे तोरासबके बिचमे सुरु करल भेटी उठाइबला काम पुरा करे परतै कैहके हमसब ओकरा बिन्‍ती करलियै।

फिलिप्‍पी 2:25

आपनसबके भाइ, इपाफोरोडिटसके हम तोरासबलग पठाबैके आबसेक देखलियै। हमसब दुनु सङे-सङे काम करलियै आ सुसमाचार सुनाइबला काममे दुख भोगलियै। उ तोरेसबके दुत चियौ, जकरा हमर सहायताके लेल तुसब पठाइने छेल्‍ही।

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

कलस्‍सी 1:7

एह्‍या बात अपनासबके सङे-सङे सेबा करैबला इपाफरास तोरासबके सिखाइल्‍कौ। उ हमरासबके बदलामे तोरासबके बिचमे खिरिस्‍टके सेबा करैबला बिस्‍बासयोग्‍य भाइ चियै।

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

२ तिमोथी 4:10

कथिलेत डेमास सन्‍सारके मोहमे फैसके हमरा छोइरदेल्‍कै आ थेसलोनिकेमे चैलगेलै। केरसेन्‍स गलातियामे आ तितस दलमातियामे गेलछै।

तितस 1:4

तितस, हमे तोरा यि चिठी लिखैचियौ। साँचोके तु हमर आपने बेटा जखा चिही कथिलेकी तोहर आ हमर बिस्‍बास एके चियौ। परमेस्‍वर पिता आ अपनासबके मुक्‍तीदैबला येसु खिरिस्‍ट तोरा अनुगरह आ सान्‍ती देबे।

फिलेमोन 1:17

ओहैसे तु हमरा आपनसङे काम करैबला सम्‍झैचिही त हमरे जखा ओकरो स्‍वागत कर।

फिलेमोन 1:24

ओहिनङे कैरके हमरसङे काम करैबला मरकुस, अरिस्‍तारखस, डेमास आ लुका सेहो गोरलगी पठाइनेछौ।

३ युहन्‍ना 1:8

ओहैसे आपन बिस्‍बासीसब एहेन लोकसबके मदत करेपरतै, ताकी सतके सिक्‍छामे सहकरमी भ्‍यासकी।