२ कोरन्‍थी 8:10 - मध्‍य पुरविया थारू

¹⁰ अइ बिसयमे हम तोरासबके यि सल्‍लाह दैचियौ, एक बरिस पहिने जे काम तुसब सुरु करने मातरे नै, महज उ करैले उतकट इक्‍छा सेहो करने छेल्‍ही, आब ओइके पुरा करनाइ तोरासबके लेल असल हेतौ।

२ कोरन्‍थी 8:10 ပူးပေါင်းရင်းမြစ်များ

मतीके लिखल सुसमाचार 10:42

जे हमर छोटसे छोट चेलासबमेसे ककरो हमर चेला कैहके एक लोटा जुर पानी पियैले देतै त, हम साँचेके कहैचियै उ आपन इनाम नै गुमाइतै।”

युहन्‍ना 11:50

पुरे देस नास हैसे त बरु जनताके लेल एकटा लोक मरनाइ उचित हेतै से तोरासब नै बुझैचिही?”

युहन्‍ना 16:7

महज साँचोके हम तोरेसबके कहैचियौ, हम अतेसे जेबौ तब मातरे तोरासबके असल हेतौ। कथिलेत यदी हम नै जेबौ त तोरासबके सल्‍लाह दैबला पबितर आत्‍मा तोरासबके लग नै एतौ। महज जब हम जेबौ, तब हम ओकरा तोरासबके लग पठाइबौ।

युहन्‍ना 18:14

उ ओह्‍या कैयाफा छेलै, जे “जनताके लेल एकटा लोक मरनाइ उचित छै” कैहके यहुदीसबके सल्‍लाह देनेछेलै।

१ कोरन्‍थी 10:23

तोरासबमेसे कोइ-कोइ कहैचिही, “सब चिज करैले पाबैछै” महज सब चिजसे भलाइ नै हैछै। दोसर सब कहैछै, “सब चिज करैले पाबैछै” महज सब चिजसे फैदा नै हैछै।

१ कोरन्‍थी 16:2

हरेक हप्‍ताके पहिन्‍का दिन तुसब आपन-आपन कमाइ अनुसार कुछ अलग कैरके जम्‍मा करैतरह, ताकी हम तोहर लग एबौ त भेटी जम्‍मा करैले नै परे।

१ कोरन्‍थी 6:12

कोइ कहैछै, “सबकुछ करैके लेल हमरा अधिकार छै”, महज सब बात हमर लेल भलाइके नै छै। कहैले त हम्‍हु सकतियै, “सबकुछ करैके लेल हमरा अधिकार छै” महज हम ककरो दास नै बन्‍बै।

१ कोरन्‍थी 7:25

आब कुमारीसबके बारेमे हमरसङे परभुके आग्‍या किछो नै छौ। महज हम परभुके अनुगरहसे एक बिस्‍बासयोग्‍य लोक भेलाके कारन तोरासबके यि सल्‍लाह दैचियौ।

१ कोरन्‍थी 7:40

हमर बिचारमे यि छै कि, यदि उ फेरसे बियाह नै करतै त औरो बेसीसे खुस रहतै। यि सल्‍लाह हम परमेस्‍वरके आत्‍मासे दैचियौ।

२ कोरन्‍थी 12:1

हमरा किछो फैदा नै हेतै तैयो गर्‌ब करैये परतै। आब हम परभुसे पाबलहा दरसनसब आ परभुसे परकट करल बातसब कहैचियौ।

२ कोरन्‍थी 8:6

ओहैसे तितस पहिनेसे तोरासबके बिचमे सुरु करल भेटी उठाइबला काम पुरा करे परतै कैहके हमसब ओकरा बिन्‍ती करलियै।

२ कोरन्‍थी 8:8

हम यि आग्‍याके रुपमे नै महज औरोसबके जोससङे तुलना कैरके तोरासबके परेम साँचो चियौ कैहके परमानित करैके लेल हम यि कहलियौ।

२ कोरन्‍थी 9:2

कथिलेत तुसब सहायता करैके लेल एकदमसे तयार चिही से हम जानैचियै। हम तोरासबके बारेमे माकेडोनिया परदेसके लोकसबके गर्‌भ कैरके कहलियै कि पौरकेसे तु अखैया परदेसमे भेल लोकसब भेटी दैकेलेल तयार चिही। तुसब उत्‍साहित भेलाके कारन उसब सेहो औरो बेसि उत्‍साहित भेलछै।

फिलिप्‍पी 4:17

हम तोरासबसे भेटी नै चाहैचियौ, महज तुसब जनङ मदत करलिही ओकर आसिस परमेस्‍वर तोरासबके देबे कैहके हम इक्‍छा करैचियै।

हिबरु 13:16

एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।