२ कोरन्‍थी 6:9 - मध्‍य पुरविया थारू

⁹ हमरासबके निकसे चिन्‍हीयोके अनचिन्‍हार जखा करैछै। मरे लागल चियै तैयो जियल चियै। सजाय पाबनेचियै तैयो मारलगेल नै चियै।

२ कोरन्‍थी 6:9 ပူးပေါင်းရင်းမြစ်များ

परेरित 17:18

ओते इपिक्‍युरी आ स्‍तोइकी दारसनिकमेसे कुछ पावल सङे बाद-बिबाद करै। उसब कतहेक गोरा कहल्‍कै, “यि बर-बरहा कथी कहैछै?” औरोकोइ कहल्‍कै, “भैरसक यि कोनो लबका देबि-देउताके परचार करैछै!” कथिलेत पावल येसुके बारेमे आ उ मरके जि उठल छै तै बातके परचार करैछेलै।

परेरित 19:26

तुसब देखैचिही आ सुनैचिही, कि एफिससमे मातरे नै महज एसियाके पुरे परान्‍तमे हाथसे बन्‍याल देबिदेबता कुछो नै चियौ कैहके पावल बहुत लोकसबके बहक्‍याके लगेलछै।

परेरित 25:19

महज ओकरासे ओइसबके आपन धरमके बारेमे बिबाद छेलै आ मरल येसुके बारेमे छेलै, जकरा पावल जिबिते छै कैहके जोर देने रहै।

परेरित 25:26

अकर बारेमे हमरा कैसरके लिखैले कुछो खास बात थाह नै छै। तै खातिर हम ओकरा अहाँसबके अगा आ खास कैरके रजा अगरिपासके अगामे आनैले चाहलियै कि हमसब ओकर छनबिन करबै आ हमरा कुछ लिखैके लेल भेटत।

रोमी 15:19

उसब परमेस्‍वरके आत्‍माके सक्‍ती, अचमके चेन्‍हासब आ कामसब दुवारा बिबस करलगेल छेलै। अहिनङे हम यरुसलेमसे इल्‍लुरिकन परदेसतक पुरे खिरिस्‍टके सुसमाचारके परचार करने चियै।

रोमी 8:36

पबितर धरमसास्‍तरमे एहेन लिखलछै, “अहाँके लेल त हमसब हरेक दिन मरैचियै। हमसब काटैके लेल तयार करल भेंरासब जखा चियै।”

१ कोरन्‍थी 11:32

जब परभु अपनासबके नियाइ करतौ, उ अपनासबके अनुसासनके लेल करतौ, ताकि हमसब सन्‍सारके लोकसब जखा दोसी नै ठहरबै।

१ कोरन्‍थी 15:31

हे हमर भाइ-भैयासब, तोरासबके कारन परभु येसु खिरिस्‍टमे हम गर्‌भसे यि कहैले सकैचियौ, कि हम दिन-दिने मिरतुके खतरामे परैचियै।

१ कोरन्‍थी 4:9

कथिलेत हमरा एहेन लागैए कि परमेस्‍वर हम परेरितसबके मिरतुदन्‍ड पाबैबला कैदीसब जखा बिजय जुलुसके सबसे पछा राखनेछै। हमसब सन्‍सार, स्‍वरगदुतसब आ लोकसबके अगा तमसा बैनगेल चियै।

२ कोरन्‍थी 11:6

हम बोलैमे फरहर लोक नहियो चियै त ग्‍यानमे कमके नै चियै। यि बात हमसब तोरासबके हर परकारसे साफ-साफ देख्‍यादेनेचियौ।

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

२ कोरन्‍थी 5:11

परभुके डर कथि चियै कैहके हमरासबके थाहछै, ओहैसे हमसब लोकसबके सम्‍झाबैके कोसिस करैचियै। हमसब के चियै कैहके परमेस्‍वरके निकसे थाहछै आ हमर जिबन तोरासबके अगा खुलस्‍तछौ कैहके हम आस करैचियै।