२ कोरन्‍थी 6:16 - मध्‍य पुरविया थारू

¹⁶ परमेस्‍वरके मन्‍दिरके मुरतीसङे कोन समबन्‍ध? कथिलेकी हमसब त जिबित परमेस्‍वरके मन्‍दिर चियै। जनङकी परमेस्‍वर कहनेछै, “हम ओकरासबमे बास करबै आ ओकरासबके बिचमे चल-फिर करबै। हम ओकरासबके परमेस्‍वर हेबै आ उसब हमर परजा हेतै।

२ कोरन्‍थी 6:16 ပူးပေါင်းရင်းမြစ်များ

मतीके लिखल सुसमाचार 16:16

सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

मतीके लिखल सुसमाचार 6:24

“दुइटा मालिकके सेबा कोइ नै करे सकैछै। कथिलेत उ एकटाके घिरना करतै आ दोसरसे परेम करतै। उ एकटाके मान-दान करतै आ दोसरके खराब समझतै। तुसब परमेस्‍वर आ धन दुनुके सेबा करे नै सकबिही।

लुका 5:36

तब येसु फेरसे एकटा खिसा सुनेल्‍कै, “के लबका कपरा फाइरके पुरनामे जोरैछै। अगर जोरियो दैछै त लबका कपरा बिगैर जेतै आ लबका ढप्‍पा पुरना ढप्‍पासे मेल नै खेतै।

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

युहन्‍ना 6:56

हमर देह खाइबला आ हमर लहु पियैबला हमरमे रहैछै आ हम ओकरमे रहैचियै।

रोमी 8:11

यदि येसुके मरलसे जिबित करैबला परमेस्‍वरके पबितर आत्‍मा तोरासबमे बास करैछौ त, येसु खिरिस्‍टके मरलसे जिबित करैबला वह्‍या आत्‍मा तोरासबके नास हैबला देहके सेहो जिबन देतौ।

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

रोमी 9:26

तब “जै ठाममे यहुदी बाहेक औरो लोकसबके एहेन कहलगेलै, ‘तुसब हमर परजा नै छेल्‍ही’, ओहै ठाममे ‘आब जिबित परमेस्‍वरके बेटा-बेटी कहाइबिही।’”

१ कोरन्‍थी 10:21

तुसब परभुके बाटी आ भुत-परेतसबके बाटी दुनुसे पियैले नै सकबिही। तहिनङे तुसब परभुके भोज आ भुत-परेतसबके भोज दुनु खाइले नै सकबिही।

१ कोरन्‍थी 6:19

तोरासबके देह पबितर आत्‍माके मन्‍दिर चियौ, जे पबितर आत्‍मा तुसब परमेस्‍वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्‍वयम आपने नै चिही।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

एफिसी 2:22

तु गैर-यहुदीसब सेहो ओकरमे औरो जनसबसङे उ घर बनैचिही, जते परमेस्‍वरके आत्‍मा बास करैछै।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

१ तिमोथी 3:15

यदी हमरा आबैमे देर हेतै त, परमेस्‍वरके परिबारमे भेल लोकसबके चाल-चलन केहेन रहैके चाही से जाइनले। यि परिबार त जिबित परमेस्‍वरके मन्‍डली अरथात सतके खम्‍हा आ जग चियै।

२ तिमोथी 1:14

तोहर जिम्‍मामे देल असल सिक्‍छाके अपनासबके भितरमे बास करैबला पबितर आत्‍माके सक्‍तिसे सुरक्‍छित राख।

हिबरु 3:6

महज खिरिस्‍ट त घरके अधिकार पाबल बिस्‍बासयोग्‍य बेटा भ्‍याके सेबा करल्‍कै। यदि हमसब आपन आसामे अन्‍तिमतक भरोसा आ गर्‌भ कैरते रहबै त अपनोसब परमेस्‍वरके घरके सदस हेबै।

हिबरु 8:10

परमपरभु कहैछै, ‘आबैबला दिनमे हम इजराएलके लोकसबसङे यि करार बान्‍हबै। तोरासबके मनमे हम आपन बेबस्‍था राइखदेबौ, तोरासबके हिरदयमे उ लिखदेबौ। हम तोरासबके परमेस्‍वर हेबौ आ उसब हमर लोक हेतै।’

याकुब 4:5

कि तुसब यि सम्‍झैचिही कि, पबितर धरमसास्‍तर बेरथमे एहेन कहैछै, “परमेस्‍वर अपनासबमे राइखदेने छै तै आत्‍माके लेल उ एकदमसे डाह करैछै?”

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

१ युहन्‍ना 4:12

परमेस्‍वरके कोइने कहियो देख्‍नेछै। महज अपनासब एक-दोसरके परेम करबिही त परमेस्‍वर अपनासबमे बास करतै आ ओकर परेम अपनासबमे पुरा हेतै।

१ युहन्‍ना 4:15

येसुवे परमेस्‍वरके बेटा चियै कैहके सुइकार करैबला लोकमे परमेस्‍वर बास करैछै आ उ लोक परमेस्‍वरमे बास करैछै।

परकास 2:1

“एफिससमे भेल मन्‍डलीके देख-भाल करैबला स्‍वरगदुतके यि बात लिख: ‘सातटा तरा आपन दहिना हाथमे लैबला आ सातटा सोनाके डैठके बिचमे चलैबला अनङ कहैछै।

परकास 21:3

तब हम सिंहासनसे एहेन कहल एकटा बरका अबाज सुनलियै, “देख, परमेस्‍वरके बास लोकसबसङे भेल छै। परमेस्‍वर ओइसबसङे बास करतै आ उसब ओकर लोकसब हेतै। परमेस्‍वर आपने ओइसबके परमेस्‍वर भ्‍याके ओकरासबसङे रहतै।

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।