२ कोरन्‍थी 3:14 - मध्‍य पुरविया थारू

¹⁴ महज ओइसबके मन कठोर भेलासे आइतक उ पुरन्‍का करारमे भेल बेबस्‍था परहैछै त ओइसबके बुझैबला समझ झापल रहैछै, ओहैसे उसब सत बात बुझैले नै सकैछै। आब येसु खिरिस्‍टमे बिस्‍बास कैरके मातरे उ समझ उघरैछै।

२ कोरन्‍थी 3:14 ပူးပေါင်းရင်းမြစ်များ

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

मतीके लिखल सुसमाचार 16:17

येसु ओकरा कहल्‍कै, “हे योनाके बेटा सिमोन, तु धैनके चिही! कथिलेत यि बात तोरा लोकसे नै बल्‍की स्‍वरगमे रहैबला हमर पितासे परगट भेलछौ।

मतीके लिखल सुसमाचार 6:23

महज तोहर आँख खराब छौ त, तोहर पुरे देह अन्‍हार भ्‍याजेतौ। अहिनङे तोहर भितरके इजोत अन्‍हार हेतौ त, उ केहन अन्‍हार खोट-खोट हेतौ।

युहन्‍ना 12:40

“परमेस्‍वर ओइसबके आँख बन्‍द कैरदेनेछै आ ओकरासबके हिरदय कठोर बन्‍यादेनेछै। तैल्‍याके उसब आपन आँखसे नै देखे आ हिरदयसे नै बुझे, नै त उसब घुइमके एतै आ हम ओइसबके निक करतियै।”

युहन्‍ना 12:46

हम सन्‍सारके इजोत बैनके एलचियै, तैल्‍याके हमरा बिस्‍बास करैबला कोइने अन्‍हारमे रहतै।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

परेरित 13:15

मोसाके देल बेबस्‍था आ अगमबक्‍तासबके लिखल किताब पढ़लाके बाद, सभाघरके अगुवासब पावल आ बरनाबासके बोल्‍याके कहल्‍कै, “हे यौ भैयारीसब! यदी अहाँसबसे लोकसबके साहसके खातिर कुछो कहैले चाहैचियै त, कहु।”

परेरित 15:21

कथिलेत मोसाके देल्‍हा नियम त पैहनैयेसे सहर-सहर आ गाम-गाम परचार करल जाइछै, ओकर लिखल हरेक सभाघरमे परहल जाइछै।”

परेरित 16:14

ओते थिआटिरा सहरमे रहैबाली एकटा लिडिया नामके जनी रहै जे बैजनी रङके बस्‍तरके बेपार करैतरहै। उ परमेस्‍वरके मानैत रहै आ हमरासबके बात सुइन रहल छेलै। पावलके बात धियानसे सुनौक आ बिस्‍बास करौक कैहके परभु ओकर मनके देहरी खोइल देल्‍कै।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

२ कोरन्‍थी 3:15

साँचोके मोसाके देल बेबस्‍था परहैचियै त अखुन्‍तो ओइसबके बुझैबला समझ झापल रहैछै आ उसब नै बुझैछै।

२ कोरन्‍थी 3:6

ओह्‍या हमरासबके लया करारके सेबकसब बनैके लेल योग्‍य बनेल्‍कै। यि करार लिखीत बेबस्‍थाके नै महज पबितर आत्‍माके करार चियै। कथिलेकी पुरन्‍का लिखल बेबस्‍थाके करार त मिरतु लाबैछै, महज लया करारमे पबितर आत्‍मा त जिबन दैछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

एफिसी 4:18

ओइसबके हिरदय कठोरताके कारन अन्‍हारसे झापलछै आ परमेस्‍वरके दैबला जिबनसे दुरछै।