२ कोरन्‍थी 3:12 - मध्‍य पुरविया थारू

¹² हमरासबके एहेन आसा भेलाके कारन हमसब एकदम साहसी भेलचियै।

२ कोरन्‍थी 3:12 ပူးပေါင်းရင်းမြစ်များ

युहन्‍ना 10:24

यहुदी अगुवासब ओकर चारुकात जमा भ्‍याके कहल्‍कै, “अहाँ कहियातक हमरासबके दोधारमे राखबै? यदी अहाँ मुक्‍ती दैबला खिरिस्‍ट चियै त हमरासबके सत बात कैहदियौ।”

युहन्‍ना 16:25

“यि बात हम तोरासबके खिसा-पिहानीसबमे कहनेचियौ। महज समय आइबरहल छौ, तैबखत हम तोरासबके सङे फेनो खिसा पिहानीमे नै बाज्‍बौ, बल्‍की पिताके बिसयमे साफ-साफ कैहदेबौ।

युहन्‍ना 16:29

तब चेलासब येसुके कहल्‍कै, “अखुन अहाँ खिसामे नै महज साफ-साफ बाजैचियै।

परेरित 14:3

पावल आ बरनाबास ओते बहौत दिनतक रहलै। उसब निडर भ्‍याके परभु येसुके खातिर परचार करैत रहलै। परभु ओकरासबके हाथसे चेन्‍हासब आ अच्‍चमके कामसब कैरके आपन किरपाके बिसयमे ओकरासबके परचारके सत ठहराइल्‍कै।

परेरित 4:13

जब उसब पतरुस आ युहन्‍नाके निडर भ्‍याके बाजैत देखल्‍कै आ यि बुझल्‍कै कि यीसब कम परहल-लिखल आ सधारन लोक चियै से देखके उसब छक परलै। तब उसब येसु सङे रहै से थाह पाबल्‍कै।

परेरित 9:27

महज बरनाबास साउलके आपनसङे परेरितसब लग ल्‍याके गेलै। तब साउल रस्‍तामे परभुके देखल आ परभु ओकरसङे बोलल आ दमस्‍कसमे साहसके साथ येसुके नाममे परचार करलहा बातसब ओइसबके कैहदेल्‍कै।

परेरित 9:29

तब उ गिरिक बोलैबला यहुदीसबसङे बताबती करैछेलै, महज उसब ओकरा मारैके कोसिस करै।

१ कोरन्‍थी 14:19

मन्‍डलीमे दस हजार सब्‍द आन भसामे बोलेसे त बरु औरो लोक हमर बात बुझे कैहके पाँचटा सब्‍द मातरे बोलैले चाहैचियै।

२ कोरन्‍थी 10:1

हम पावल, तोरासबके सामने डरपोक चियै, महज दुर रहैबेर हम तोरासब परती साहसी हैचियै कैहके तोरासबके बिचमे हल्‍ला चललछै कहाने। खिरिस्‍टके नम्‌रता आ दयासे हम तोरासबके बिन्‍ती करैचियौ कि,

२ कोरन्‍थी 3:11

एक छिन रहैबला पुरन्‍का करार त अतहेक महिमामय छेलै त सबदिन रहैबला लया करार औरो कतेक बेसी महिमामय हेतै!

२ कोरन्‍थी 4:13

“हम बिस्‍बास करलियै, ओहैसे हम बोललियै” कैहके पबितर धरमसास्‍तरमे लिखैबला लोके जखा हमरोसबमे बिस्‍बासके आत्‍मा भेलाके कारन हमसबसेहो बिस्‍बास करैचियै आ बोलैचियै।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।

फिलिप्‍पी 1:14

हम जहलमे परलाके कारन बहुतो भाइ-भैयासब परभुमे साहसी भेलछै आ परमेस्‍वरके बचन निडर भ्‍याके परचार करैले साहस पाबनेछै।

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

कलस्‍सी 4:4

हमरा जनङके बुझाबैले परतै तहिनङे बोलैले सकी कैहके परथना कैरदहै।

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

१ तिमोथी 3:13

जे डिकन मन्‍डलीमे निकसे रेख-देख करतै, से एकदमसे आदर पाबतै आ येसु खिरिस्‍टमे करल आपन बिस्‍बासके बारेमे निडर भ्‍याके औरो लोकसबके कहैके लेल बरका साहस पाबतै।

फिलेमोन 1:8

तोरा कथि करैके चाही, से आग्‍या दैकेलेल खिरिस्‍टमे हमरा साहस रहलो परभी,