२ कोरन्‍थी 2:4 - मध्‍य पुरविया थारू

⁴ तोरासबके चित दुखाइके लेल नै महज तोरासबके खातिर हमर गहिर परेम जान कैहके बहौत दुख-कस्‍टसे लोर बहाबैत तोरासबके उ चिठी लिखने छेलियौ।

२ कोरन्‍थी 2:4 ပူးပေါင်းရင်းမြစ်များ

२ कोरन्‍थी 11:2

परमेस्‍वर तोरासबके करल वास्‍ता जखा हम्‍हु तोरासबके वास्‍ता करैचियौ, कथिलेकी हम त एक मातरे बर खिरिस्‍टसङे तोरासबके बियाह कैरदैके परतिग्‍या करनेचियौ। ओहैसे तोरासबके ओकर पबितर कुमाइर कनियाके रुपमे कनियादान करैके बिचार करनेचियौ।

२ कोरन्‍थी 12:15

तोरासबके भलाइके लेल हमरसङे भेल सब चिज खुसिसे देबौ आ अपना स्‍वयमके देबौ। यदि हम तोरासबके बेसी परेम करैचियौ त कथिले हमरा कमतियै परेम करैचिही?

२ कोरन्‍थी 2:9

तुसब हरेक बिसयमे आग्‍याकारी चिही कि नै कैहके जाचैके लेल हम उ चिठी तोरासबके लिखने छेलियौ।

२ कोरन्‍थी 7:12

हम उ चिठी अनियाय करैबला लोकके लेल नै लिखने चियै, नै त अनियायमे परल लोकके लेल महज अइ हेतुसे कि परमेस्‍वरके नजरमे हमरासबके परती तोरासबके वास्‍ता केहेन छौ, से तोरासबके थाह हेबे।

फिलिप्‍पी 3:18

हम तोरासबके पहिनो बहौत बेर कहनेचियौ, अखुन हम कानैत कहैचियौ, कि बहुतो लोक खिरिस्‍टके कुरूसके दुस्‍मन जखा जिबन जियैछै।