२ कोरन्‍थी 2:12 - मध्‍य पुरविया थारू

¹² जब हम तरोआस सहरमे खिरिस्‍टके बारेमे सुसमाचार परचार करैले एलियै तब परभु हमर लेल दुवार खोइलदेने छेलै।

२ कोरन्‍थी 2:12 ပူးပေါင်းရင်းမြစ်များ

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

परेरित 16:11

तब हमसब तरोआससे पानी जहाद चहैरके सोजहे समोथराके टपु दिसन गेलियै आ तकर बिहानके नियापोलिस सहरमे पुगलियै।

परेरित 16:8

तब उसब माइसिया इलाका हैत सोजहे समुन्‍दरके कातमे परैबला तरोआस सहरमे गेलै।

परेरित 20:8

हमसब जते जम्‍मा भेल छेलियै तकर उपरका कोठलीमे बहुत चिरखासब नेसल छेलै।

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

१ कोरन्‍थी 16:9

हमर बिरोध करैबलासब बहुतो भेलोपरभी परभाबसाली कामके लेल एकटा बरका केबार हमर लेल खुइल गेलछै।

१ कोरन्‍थी 9:12

यदि तोरासबसे औरो परचार करैबलासब मुनासिब हकके दाबी करैछौ त कि हमरासबके झन बेसी हक नै छै? महज यि हक हमसब उपयोग नै करनेचियै। खिरिस्‍टके सुसमाचार सुनाबैले कोनो बाधा नै हेबे कैहके सबकुछ सैहके रहैचियै।

१ कोरन्‍थी 9:14

अहिनङे सुसमाचार परचार करैबलासब सुसमाचारेसे गुजारा चलाबे कैहके परभु आग्‍या देनेछै।

१ कोरन्‍थी 9:16

यदि हम सुसमाचार परचार करैचियै त ओइमे घमन्‍ड करैबला कोनो कारन नै छै, कथिलेत यि काम हमरा करैयै परतै। हम सुसमाचार परचार नै करबै त हमरा धिक्‍कार छै।

२ कोरन्‍थी 10:14

हमसब आपन काम करैबला सिमासे बाहर ज्‍याके घमन्‍ड नै करैचियै, कथिलेकी सबसे पहिने तोरासबलग खिरिस्‍टके सुसमाचार आनैबला हम्‍हीसब चियौ।

२ कोरन्‍थी 11:4

यदि कोनो लोक आइबके हमरासबके करल येसुके परचार बाहेक दोसर येसुके परचार करतै त, तोरासबके भेटल आत्‍मासे दोसरे आत्‍मा तुसब गरहन करबिही त, या तोरासबके भेटल सुसमाचारसे कोनो दोसर सुसमाचार गरहन करबिही त, तुसब यि सबके अगा सहजे झुकैचिही।

२ कोरन्‍थी 11:7

तोरासबके बरका बनाबैके लेल हम आपनके छोट बैनके परमेस्‍वरके सुसमाचार फोकटमे सुनाइलियौ त कि हम पाप करलियै?

२ कोरन्‍थी 4:3

यदि हमरासबके करल सुसमाचार परचार झापल छै त, उ ओइसबके लेल झापल छै, जेसब नास हैले ज्‍यारहलछै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 8:18

हमसब तितससङे एकटा भाइके पठाबैचियौ, जकर नाम सुसमाचार परचारके काममे सब मन्‍डलीके बिचमे चललछै।

२ कोरन्‍थी 9:13

तुसब खिरिस्‍टके सुसमाचारमे बिस्‍बास कैरके आग्‍याकारी भेल बात आ तोरासबके खुल्‍ला हिरदयसे देल दानसे परमेस्‍वरके महिमा हेतै। यि सेबाके कामसे तुसब केहेन चिही कैहके लोकसबके परमानित हेतौ।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।