२ कोरन्‍थी 13:7 - मध्‍य पुरविया थारू

⁷ महज तुसब असल जिबन जि कैहके हमसब परमेस्‍वरमे परथना करैचियै। हमसब आपने निक देखाबैके लेल परथना नै करैचियै, महज हमसब असफल जखा हेबै तैयो तुसब निक काम कर।

२ कोरन्‍थी 13:7 ပူးပေါင်းရင်းမြစ်များ

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

युहन्‍ना 17:15

यि सन्‍सारसे ओकरासबके ल्‍याजाउ कैहके हम परथना नै करैचियै, महज ओकरासबके दुस्‍टसे बचाबु कैहके परथना करैचियै।

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

रोमी 12:17

तुसब ककरो खराबके बदला खराब नै कर। जे चिज सबलोकके नजरमे आदरनिय छै, तैमे धियान दहै।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

रोमी 16:10

खिरिस्‍टके नजरमे योग्‍य ठहरल अपेल्‍लेसके गोरलगी सुन्‍यादहै। अरिस्‍तोबुलसके घरमे भेल्‍हा लोकसबके हमर गोरलगी सुन्‍यादहै।

१ कोरन्‍थी 11:19

तोरासबमेसे सत लोकसब चिन्‍हैके लेल तोरासबमे बेमेल होनाइ जरुरी छै।

२ कोरन्‍थी 10:10

कतहेक लोक कहैछै, “पावलके चिठीसब गम्‍भीर आ करा हैछै, महज उ आपने हैतकाल कमजोर हैछै आ ओकर बोली कोनो महत्‍वके नै हैछै।”

२ कोरन्‍थी 10:18

कथिलेकी जे आपन तारिफ आपनेसे करैछै, उ कोनो महत्‍वके बात नै चियै, महज जकर तारिफ परभु करैछै उ बहौत मुल्‍यबानके ठानल जाइछै।

२ कोरन्‍थी 13:6

हम आस करैचियै, कि हमसब जाँचमे असफल नै भेलचियै से तोरासबके थाहे छौ।

२ कोरन्‍थी 13:8

कथिलेत सतके बिरोधमे हमसब किछो करैले नै सक्‍बै, महज सतके लेल मातरे काम करेसकैचियै।

२ कोरन्‍थी 13:9

हमसब कमजोर भेलियै तैयो तुसब बौकार चिही तहैमे हमसब खुस चियै आ तुसब परिपक हैले सक कैहके परथना करैचियौ।

२ कोरन्‍थी 6:4

महज हरतरहसे हमसब आपनेके परमेस्‍वरके सेबकसब चियै कैहके देखाइचियै। सब कठिनाइ, बिपत, सङकट आ दुखमे धिरजसे सहन करैचियै।

२ कोरन्‍थी 8:21

कथिलेत हमसब परभुके नजरमे मातरे नै, बल्‍की लोकोसबके नजरमे जे ठिक छै ओह्‍या करैके लक्‍छ राखैचियै।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

१ तिमोथी 2:2

रजा आ हाकिमसबके लेल परथना कर ताकि हमसब सुख सान्‍तीसे परमेस्‍वरके भक्‍ति करे आ आदरके जिबन बिताबे सकी।

२ तिमोथी 2:15

सरममे नै परैबला आ सतके बचनके ठिकसे चलाबैबला कामदार जखा आपनेके परमेस्‍वरमे गरहन हैकेलेल एकदमसे कोसिस कर।

२ तिमोथी 4:18

हँ, परभु हमरा सब परकारके खराबिसबसे बचेतै। उ हमरा बच्‍याके आपन स्‍वरगिय राजमे ल्‍याजेतै। ओकर गुनगान जुगो-जुग तलिक हैतरहे। आमेन।

याकुब 1:12

उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।