२ कोरन्‍थी 13:10 - मध्‍य पुरविया थारू

¹⁰ हम तोरासबसे दुर भेल बखत यि लिखैचियौ, ताकि तोरासबलग एबौ त परभुके देल अधिकारके करासाथ परयोग करैले नै परे। यि अधिकार तोरासबके बिगारके लेल नै महज सुधारैके लेल हमरा देनेछै।

२ कोरन्‍थी 13:10 ပူးပေါင်းရင်းမြစ်များ

१ कोरन्‍थी 4:21

तुसब कथी चाहैचिही? हम तोरासबलग अनुसासनके लाठी ल्‍याके एबौ कि परेम आ नम्‌र आत्‍माके साथ एबौ?

१ कोरन्‍थी 5:4

जब तुसब अपनासबके परभु येसुके नाममे भेला हैचिही त हमर आत्‍मा तोरेसबसङे रहैछौ आ परभु येसुके सक्‍तीयो ओतै रहैछै।

२ कोरन्‍थी 10:2

हम तोरासबलग एबौ त उ कठोरता नै देखाइले परे जे कठोरता हमसब सन्‍सारके लोकसब जखा चलैचियै कैहके संका करैबला लोकसबके देखाइके लेल हम निस्‍चय करनेचियै।

२ कोरन्‍थी 10:4

हमरासबके हाथ-हथियार त सन्‍सारके नै छै, महज हमरासबसङे परमेस्‍वरके सक्‍तिसाली हाथ-हथियार छै, जै हाथ-हथियारसे सैतानके सक्‍तिके खतम कैरदैछै आ बेकारके बाद-बिबादके नास कैरदैछै।

२ कोरन्‍थी 10:8

परभुके देल हमरासबके अधिकारके बारेमे हम बरका बरका बात करबै तैयो लाजमे नै परबै, कथिलेकी यि अधिकार तोरासबके बिगार करैके लेल नै महज सुधारके लेल चियै।

२ कोरन्‍थी 13:2

दोसर बेर तोरासबके बिचमे हैतकाल हम तोरासबके चेताबनी देल जखा आब तोरासबके बिचमे नहियो चियै तैयो चेताबनी दैचियौ। हम फेर एबौ त पहिने पाप करलाहासबके आ औरो ककरो नै छोरबौ।

२ कोरन्‍थी 13:8

कथिलेत सतके बिरोधमे हमसब किछो करैले नै सक्‍बै, महज सतके लेल मातरे काम करेसकैचियै।

२ कोरन्‍थी 2:3

हम एबै त हमरा खुसी दैबला लोकसबसे हमर चित नै दुखे कैहके हम उ चिठी लिखने छेलियै। कथिलेकी हमरा आनन्‍द हेतौ त तोरोसबके आनन्‍द हेतौ कैहके हमरा पक्‍का बिस्‍बास छै।

२ कोरन्‍थी 6:6

अपनासबमे रहल पबितर आत्‍मा आ अपनासबके निसकपट परेमसे हमसब आपनेके सुध, समझदार, सहनसिल आ दयालु परमानित करनेचियै।

तितस 1:13

यि कहल बात साँचोके चियै। अहैलेल ओइसबके करासे चेताइनाइ जरुरी छै, ताकि उसब बिस्‍बासमे बौकार हेबे।