२ कोरन्‍थी 12:21 - मध्‍य पुरविया थारू

²¹ तोरासबके भेटैले फेर एबौ त परमेस्‍वर हमरा तोरासबके अगा निच बनाइतै कैहके हमरा डर लागैछै। जेसब पहिने पाप करने छेलै आ तोरासब आपनेसे करल असुध काम, बेबिचार, घिनलागैबला छाडा कामसे पस्‍चताप नै करनेचिही त हमरा निच बनैले परतै।

२ कोरन्‍थी 12:21 ပူးပေါင်းရင်းမြစ်များ

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

रोमी 9:2

हमर परेम करल इजराएली लोकसबके लेल हमर हिरदयमे एकदम सोक आ पिरा छै।

१ कोरन्‍थी 5:1

बास्‍तममे तोरासबके बिचमे बेबिचार छौ से बात सुनैचियौ, एहेन बेबिचार त गैर-यहुदीयोसब नै करैछै। कथिलेत तोरासबमेसे एक गोरे आपने सतमहताइरके राखनेचिही।

२ कोरन्‍थी 10:6

जब तुसब पुरा रुपसे खिरिस्‍टके आग्‍या मानबिही तब आग्‍या नै मानैबलासबके सजाय दैकेलेल हमसब तैयार हेबै।

२ कोरन्‍थी 12:7

हमरमे महान रहस परकट करने छै तैल्‍याके हम घमन्‍डसे नै फुली कैहके हमर देहमे एकटा काँट राइख देनेछै, उ सैतानके दुत जखा हमरा दुख दैछै।

२ कोरन्‍थी 13:2

दोसर बेर तोरासबके बिचमे हैतकाल हम तोरासबके चेताबनी देल जखा आब तोरासबके बिचमे नहियो चियै तैयो चेताबनी दैचियौ। हम फेर एबौ त पहिने पाप करलाहासबके आ औरो ककरो नै छोरबौ।

२ कोरन्‍थी 8:24

तुसब आपन परेमके परमान ओइसबके दहै आ हमसब कथिले तोरासबके बारेमे गर्‌भ करैचियै से बात मन्‍डलीसब देखे।

गलाती 5:19

पाप स्‍वभाबके कामसब एह्‍या चियै- बेबिचार करनाइ, अनैतिक काम, निरलज,

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

यहुदा 1:23

दोसरके, नियायके आइगमे परलहासबके झटसे तान। दोसरके दया करैतखिना होसियार रह, पापके दाग लागलहा सबके बस्‍तरो सहितके घिरना कर।

यहुदा 1:7

तहिनङे सदोम, गमोरा आ ओकर कातकरौतके सहरके लोकसब एक एक कैरके दोसर घिनौना बेबिचारके काम करे लाग्‍लै। उसब आइगमे नास भ्‍याके कहियो नै बुताइबला आइगके दन्‍ड पाबैबलासबके लेल उदाहरन बन्‍लै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

परकास 22:20

यि बातके गबाही दैबला कहैछै, “साँचोके हम जल्‍दिए आइबरहल चियौ।” आमेन। आबु, हे परभु येसु!