२ कोरन्‍थी 12:14 - मध्‍य पुरविया थारू

¹⁴ आब हम तेसर बेर तोरासबलग आबैले तयार भेलचियौ आ हम तोरासबके लेल बोझ नै हेबौ। हम तोरासबसे पैसा-कौरी नै, महज तोरासबके चाहैचियौ। कथिलेत बाप-महताइरके लेल बेटा-बेटी नै महज बाप-महताइरके बेटा-बेटीके लेल धन-सम्‍पती जोग्‍याके राइखदैले परैछै।

२ कोरन्‍थी 12:14 ပူးပေါင်းရင်းမြစ်များ

परेरित 20:33

हम कोनो लोकके सोना-चानी या बस्‍तरसबके लोभ नै करलियै।

१ कोरन्‍थी 10:24

कोइ आपन मातरे भलाइ नै, बरु दोसरके सेहो भलाइ खोजे।

१ कोरन्‍थी 10:33

हमर करल जखा कर। हम अपना खुस हैबला काम नै करलियै। महज सबकोइ मुक्‍ती पाबे कैहके सब तरहसे सबके भलाइ खोजैचियै।

१ कोरन्‍थी 11:34

यदि कोइ भुख्‍याल चिही त, उ आपन घरमे खेबे। ताकि तुसब एकसाथ भेला हेब्‍ही त दोसी नै ठहरबिही। औरो बातके बारेमे हम तोरासबलग एबौ त आदेस देबौ।

१ कोरन्‍थी 16:5

हम माकेडोनिया परदेसके यातरा करलाके बाद तोरासबलग भेटघाट करैले एबौ, कथिलेकी पहिने माकेडोनिया जाइके हमर योजनाछै।

१ कोरन्‍थी 4:19

महज परभुके इक्‍छा हेतै त, हम तोरासबलग जल्‍दीए एबौ। उ घमन्‍डी लोकसबके बात मातरे नै महज उसबके सक्‍ती केहैन छै से पता लगाइबै।

१ कोरन्‍थी 9:12

यदि तोरासबसे औरो परचार करैबलासब मुनासिब हकके दाबी करैछौ त कि हमरासबके झन बेसी हक नै छै? महज यि हक हमसब उपयोग नै करनेचियै। खिरिस्‍टके सुसमाचार सुनाबैले कोनो बाधा नै हेबे कैहके सबकुछ सैहके रहैचियै।

१ कोरन्‍थी 9:18

आब हमर इनाम कि चियै त? हक अनुसार पाबैबला कोनो पैसा नै ल्‍याके फोकटमे सुसमाचार परचार कैरके पाबैबला आनन्‍दे हमर इनाम चियै।

१ कोरन्‍थी 9:19

हम लोकसबसे स्‍वतन्‍तर चियै तैयो बहुतो गोरेके खिरिस्‍टमे आनैले सकी कैहके सबके लेल हम आपनेके दास बनेलियै।

२ कोरन्‍थी 1:15

हमरा यि बातके पुरा भरोसा भेलाके कारन, तोरासबलग पहिने आबैके इक्‍छा करलियै ताकि तोरासबके दोबर फैदा हेबे।

२ कोरन्‍थी 11:9

तोरासबसङे रहैतकाल जब हमरा घटि-कमी भेलै, तब हम ककरो बोझ नै बनलियै, कथिलेकी माकेडोनिया परदेससे एल भाइसब हमर घटि-कमी पुरा करल्‍कै। हम तोरासबके बोझ पैहनियो नै रहलियौ आ पाछुवो नै हेबौ।

२ कोरन्‍थी 12:13

औरो मन्‍डलीके तुलनामे हम तोरासबके कोन बातमे नै निक बेबहार करलियौ? हँ, हम तोरासबके लेल बोझ नै भेलियौ। एह्‍या हमर गल्‍ती चियै, अइमे हमरा छमा कैरदे।

गलाती 4:19

हमर धियापुतासब, तोरासबमे जाबे तलिक खिरिस्‍टके स्‍वभाब नै बन्‍तौ ताबे तलिक हम फेनो जलमासोचके पिरा जखा दुख सहैत रहबौ।

फिलिप्‍पी 4:1

अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

फिलिप्‍पी 4:17

हम तोरासबसे भेटी नै चाहैचियौ, महज तुसब जनङ मदत करलिही ओकर आसिस परमेस्‍वर तोरासबके देबे कैहके हम इक्‍छा करैचियै।

१ थेसलोनिकी 2:11

तुसब जान्‍बे करैचिही कि माँ-बाबु आपन बेटा-बेटीके सङे केहेन बेबहार करैछै तैहिने हमसब तोरासबसङे हरेक गोराके करलियौ।

१ थेसलोनिकी 2:8

हमसब तोरासबके बेसी परेम करलाके कारन परमेस्‍वरके सुसमाचार मातरे नै बल्‍की आपन परानो तक दैले तयार भेलियै। कथिलेकी तुसब हमरासबके लेल कतेक पिरिय भेल छेल्‍ही।