२ कोरन्‍थी 12:11 - मध्‍य पुरविया थारू

¹¹ हम त मुरुख जखा भेलियै, महज तुहिसब हमरा एहेन करैले कर लगेलिही। बास्‍तममे तोरेसबके हमर पक्‍छमे निक बात बोलैले परतियौ, कथिलेत हम किछो नै छेलियै तैयो महान परेरितसबसे त हम कम नै चियै।

२ कोरन्‍थी 12:11 ပူးပေါင်းရင်းမြစ်များ

लुका 17:10

तैहनङे तोरासबके अरहयाल सबकाम कैरलेलाके बाद कह, ‘हमसब नालायक नोकर चियौ, हमसब त आपन करतब मातरे पालन करैचियै।’”

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

१ कोरन्‍थी 3:22

चाहे पावल, कि अपोल्‍लोस, कि पतरुस, या सन्‍सार या जिबन या मिरतु या अखुन्‍का समय या पछिल्‍का समय, सब तोरेसबके चियौ।

२ कोरन्‍थी 1:6

जब हमसब दुख भोगैचियै, उ तोरासबके सान्‍तबना आ मुक्‍तीके लेल चियौ। यदि हमसब सान्‍तबना पेबै त, तुहुसब सान्‍तबना पाबबिही। हमसब जे दुख भोगैचियै ओह्‍या दुख तुसब धिरजसे सहबिही त तुहुसब ओह्‍या सान्‍तबनाके अनुभव करबिही।

२ कोरन्‍थी 11:1

हमरा आसा छै कि, तुसब हमर कन्‍हिक मुरखता सहैचिही, बास्‍तममे तुसब सहैत एलचिही।

२ कोरन्‍थी 11:5

आपनके “महान परेरितसब” सम्‍झैबला ककरोसे हम कम नै सोचैचियै।

२ कोरन्‍थी 12:12

हम पुरा धिरजकेसाथ सक्‍तिसाली आ अचमके कामसब कैरके तोरासबके बिचमे खिरिस्‍टके परेरित भेल परमान देनेचियौ।

२ कोरन्‍थी 12:6

यदि हम घमन्‍ड करबो करबै त हम मुरुख नै हेबै, कथिलेत हम सत बात बाजैचियै। महज लोकसब हमर जिबनमे देखल आ सुनलसे बेसि हमरा नै सम्‍झे कैहके चाहैचियै।

२ कोरन्‍थी 3:1

कि फेनसे हमसब आपने तारिफ करैले लागल चियै? कि कुछ औरो लोकसब जखा हमसब तोरासबलग आबैले या तोरासबसे हमरासबके दोसर लग जाइले सिफारिस चिठीके कोनो जरुरी छै?

२ कोरन्‍थी 5:13

यदि कोइ हमरासबके होसमे नै चियै कहैछै त, यि परमेस्‍वरके खातिर चियै। यदि हमसब होसमे चियै त, यि तोरासबके भलाइके लेल चियौ।

गलाती 6:3

यदि कोनो मोलके नै भेल्‍हा लोक आपनके बरका ठानैछैत, उ आपनेके धोखा दैछै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।