२ कोरन्‍थी 12:1 - मध्‍य पुरविया थारू

¹ हमरा किछो फैदा नै हेतै तैयो गर्‌ब करैये परतै। आब हम परभुसे पाबलहा दरसनसब आ परभुसे परकट करल बातसब कहैचियौ।

२ कोरन्‍थी 12:1 ပူးပေါင်းရင်းမြစ်များ

युहन्‍ना 16:7

महज साँचोके हम तोरेसबके कहैचियौ, हम अतेसे जेबौ तब मातरे तोरासबके असल हेतौ। कथिलेत यदी हम नै जेबौ त तोरासबके सल्‍लाह दैबला पबितर आत्‍मा तोरासबके लग नै एतौ। महज जब हम जेबौ, तब हम ओकरा तोरासबके लग पठाइबौ।

युहन्‍ना 18:14

उ ओह्‍या कैयाफा छेलै, जे “जनताके लेल एकटा लोक मरनाइ उचित छै” कैहके यहुदीसबके सल्‍लाह देनेछेलै।

परेरित 18:9

एक रात परभु पावलके दरसन दैत कहल्‍कै, “ककरोसे नै डेरा, चुप-चाप नै रह, सुसमाचार परचार करैतरह।

परेरित 23:11

ओहै रात परभु पावलके लगमे खरा भ्‍याके कहल्‍कै, “पावल, साहस कर! कथिलेत जहिना यरुसलेममे हमर बारेमे गबाही देने छेल्‍ही तहिना तोरा रोममे सेहो गबाही दैले परतौ।”

१ कोरन्‍थी 10:23

तोरासबमेसे कोइ-कोइ कहैचिही, “सब चिज करैले पाबैछै” महज सब चिजसे भलाइ नै हैछै। दोसर सब कहैछै, “सब चिज करैले पाबैछै” महज सब चिजसे फैदा नै हैछै।

१ कोरन्‍थी 14:6

तैखातिर हे भाइ-भैयासब, यदि हम तोरासबके बिचमे आन भसामे बोल्‍बौ त तोरासबके कि फाइदा हेतौ? बरु परमेस्‍वरसे एल कोनो बातके परकास आ ग्‍यान-गुनके बात, अगमबानी या सिक्‍छा हम देबौ त तोरासबके फाइदा हेतौ।

१ कोरन्‍थी 6:12

कोइ कहैछै, “सबकुछ करैके लेल हमरा अधिकार छै”, महज सब बात हमर लेल भलाइके नै छै। कहैले त हम्‍हु सकतियै, “सबकुछ करैके लेल हमरा अधिकार छै” महज हम ककरो दास नै बन्‍बै।

२ कोरन्‍थी 12:11

हम त मुरुख जखा भेलियै, महज तुहिसब हमरा एहेन करैले कर लगेलिही। बास्‍तममे तोरेसबके हमर पक्‍छमे निक बात बोलैले परतियौ, कथिलेत हम किछो नै छेलियै तैयो महान परेरितसबसे त हम कम नै चियै।

२ कोरन्‍थी 12:5

हम ओइ लोकके बारेमे घमन्‍ड करबै महज हम आपन कमजोरी बाहेक औरो कोनो बातमे घमन्‍ड नै करबै।

२ कोरन्‍थी 12:7

हमरमे महान रहस परकट करने छै तैल्‍याके हम घमन्‍डसे नै फुली कैहके हमर देहमे एकटा काँट राइख देनेछै, उ सैतानके दुत जखा हमरा दुख दैछै।

२ कोरन्‍थी 12:9

महज परभु हमरा कहल्‍कै, “हमर अनुगरह तोहर लेल परसस्‍त छौ, कथिलेत हमर सक्‍ती कमजोरीमे पुरा हैछै।” तैखातिर खिरिस्‍टके सक्‍ति हमरमे रहे कैहके कमजोरीमे हम औरो खुसीसे घमन्‍ड करैचियै।

२ कोरन्‍थी 8:10

अइ बिसयमे हम तोरासबके यि सल्‍लाह दैचियौ, एक बरिस पहिने जे काम तुसब सुरु करने मातरे नै, महज उ करैले उतकट इक्‍छा सेहो करने छेल्‍ही, आब ओइके पुरा करनाइ तोरासबके लेल असल हेतौ।

गलाती 1:12

कथिलेकी हमरा यि कोनो लोकसे नै मिलल छै, नै यि हमरा सिखाइने छेलै, महज येसु खिरिस्‍ट आपनेसे हमरा परकट करने छै।

गलाती 2:2

हमरा ओते जाइले परतै कैहके परमेस्‍वरके देख्‍याल अनुसार हम ओते गेलियै। हम ओते रहैबखत मन्‍डलीके मुल अगुवा मानलसबके एकान्‍तमे भेटघाट करलियै आ जे सुसमाचार हम गैर-यहुदीसबके सुनाइने छेलियै से बात सहि छै कैहके ओकरासबके परस्‍ट बत्‍यादेलियै। नै त हमर करल आ कैररहल काम बेरथ हेतै।

एफिसी 3:3

परमेस्‍वर आपन भितरी योजना हमरा परकट करने छै। अकर बारेमे हम तोरासबके पैहनिए छोटकरीमे लिखने चियौ।

१ थेसलोनिकी 4:15

परभुके कहल बचन अनुसारे त तोरासबके कहैचियौ कि परभु फेनसे आबैबला दिनतक अपनासब जिबित भेल्‍हासब कोनोभी हालतमे मरलहा लोकसबसे अगा ओकरा नै भेटबै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।