२ कोरन्‍थी 11:4 - मध्‍य पुरविया थारू

⁴ यदि कोनो लोक आइबके हमरासबके करल येसुके परचार बाहेक दोसर येसुके परचार करतै त, तोरासबके भेटल आत्‍मासे दोसरे आत्‍मा तुसब गरहन करबिही त, या तोरासबके भेटल सुसमाचारसे कोनो दोसर सुसमाचार गरहन करबिही त, तुसब यि सबके अगा सहजे झुकैचिही।

२ कोरन्‍थी 11:4 ပူးပေါင်းရင်းမြစ်များ

मरकुस 7:9

येसु फेनो उसबके कहल्‍कै, “तुसब आपन रितिरिबाजके लेल कतेक चलाकिसे परमेस्‍वरके आग्‍यासब इन्‍कार करैचिही।

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

रोमी 8:15

कथिलेत तुसब फेनसे दास बनैले डरके आत्‍मा नै पाबनेचिही बरु तुसब पोसपुत हैले पबितर आत्‍मा पाबनेचिही, तैल्‍याके हमसब परमेस्‍वरके “हे हमर अब्‍बा, पिता!” कैहके पुकारैचिही।

१ कोरन्‍थी 3:11

कथिलेत परमेस्‍वर जे जग बनाइनेछै उ जग येसु खिरिस्‍ट चियै, उ जग बाहेक कोइ नै दोसर जग बनाइले सक्‍तै।

२ कोरन्‍थी 11:1

हमरा आसा छै कि, तुसब हमर कन्‍हिक मुरखता सहैचिही, बास्‍तममे तुसब सहैत एलचिही।

२ कोरन्‍थी 2:12

जब हम तरोआस सहरमे खिरिस्‍टके बारेमे सुसमाचार परचार करैले एलियै तब परभु हमर लेल दुवार खोइलदेने छेलै।

गलाती 3:2

हम तोरासबसे एकटा बात पुछैले चाहैचियौ, तुसब कनङके पबितर आत्‍मा पाबलिही? कि तुसब मोसाके बेबस्‍था पालन कैरके पबितर आत्‍मा पाबनेचिही? नै, महज तुसब सुसमाचार सुइनके बिस्‍बास करलासे पबितर आत्‍मा पाबनेचिही।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

१ तिमोथी 2:5

कथिलेकी परमेस्‍वर एकेटा छै। परमेस्‍वर आ लोकसबके बिचमे मिलाप कराइबला एकेटा लोक छै। उ लोक येसु खिरिस्‍ट चियै।