२ कोरन्‍थी 11:27 - मध्‍य पुरविया थारू

²⁷ हम कतहेक रात नै सुइतके खुब मेहनत करलियै। हम बहौत बेर खाना बिना भुखे पियासे रहलियै आ बस्‍तर नै भेलासे जारसे कठुवाइलियै।

२ कोरन्‍थी 11:27 ပူးပေါင်းရင်းမြစ်များ

मतीके लिखल सुसमाचार 17:21

[महज एहेन किसिमके भुत आत्‍मा परथना आ उपाससे मातरे निकाले सकैछै।]”

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

परेरित 20:31

तै खातिर होसियार रह, कि हम तिन बरिसतक दिन-रात लोर बह्‍या-बह्‍याके लोकसबके समझाइते रहलियौ।

१ कोरन्‍थी 7:5

घरबला आ घरबाली एक-दोसरके सारिरीक समबन्‍धसे इन्‍कार नै कर। इन्‍कारो करबिही त परथनामे समय बिताबैके लेल एक-आपसमे सल्‍लाह कैरके कुछ समयके लेल अलग रह। तब फेर एकसाथ रह, नै त तुसब आपन मन थामैले नै सक्‍लाके कारनसे सैतान तोरासबके परिक्‍छामे पारतौ।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

२ कोरन्‍थी 6:5

हमसब पिटाइ खेने चियै, जहलमे परल चियै, हुलदङ्‍गामे परलचियै। एकदमसे मेहनत करैचियै, सुतैयोले नै पाबनेचियै आ भुखे पियासेमे परल चियै।

फिलिप्‍पी 4:12

चाहे अभाब हेबे चाहे परसस्‍त हेबे कनङके जिबन चलाइबै से बात हम सिखने चियै। अघाएलमे हेबे या भुखाएलमे हेबे, भरपुरीमे हेबे या कमीमे हेबे, कोनोभी परिस्‍थितीमे सन्‍तुस्‍ट रहैले हम सिखने चियै

१ थेसलोनिकी 2:9

भाइसब, हमरासबके कस्‍ट आ मेहनत तोरासबके थाहे छौ। तुसब परमेस्‍वरके सुसमाचार सुनाइबखत ककरो उपर भार नै परौक कैहके हमसब आपन खर्‌च-बर्‌च करैले दिन-रात खैटके काम करलियै।

२ थेसलोनिकी 3:8

हमसब बिना टकाके ककरो खाइबला चिज नै खेलियै। बल्‍की दिन-रात दुख सहैत आ पसेना चुबाइत मेहनत करलियै ताकि तोरासबमेसे ककरो उपर भार नै परे।

हिबरु 11:37

ओइसबके पथलसे मारल्‍कै। कतहेकके आरिसे चिरके दुइ फाक कैरदेल्‍कै। कतहेकके तलबारसे काटल्‍कै। कतहेक लोक गरिबी, अतियाचार आ दुरबेबहार सहैत भेरा आ बकरीसबके छाला लग्‍याके अने-ओने घुमैत रहलै।