२ कोरन्‍थी 10:1 - मध्‍य पुरविया थारू

¹ हम पावल, तोरासबके सामने डरपोक चियै, महज दुर रहैबेर हम तोरासब परती साहसी हैचियै कैहके तोरासबके बिचमे हल्‍ला चललछै कहाने। खिरिस्‍टके नम्‌रता आ दयासे हम तोरासबके बिन्‍ती करैचियौ कि,

२ कोरन्‍थी 10:1 ပူးပေါင်းရင်းမြစ်များ

मतीके लिखल सुसमाचार 11:29

हमर जुवा आपन उपर उठा आ हमरसे सिख, कथिलेत हम दयालु आ नरम हिरदयके चियौ, तब तोरासबके आत्‍माके बिसराम मिल्‍तौ।

मतीके लिखल सुसमाचार 21:5

“सियोनमे रहैबला लोकसबके कैहदहै, ‘देख, आब तोरासबके रजा तोरेसबके लग आइबरहल छौ, उ कोमल हिरदयके छै, उ गदहामे, गदहाके बच्‍चामे चहैरके आइबरहल छै।’”

परेरित 8:32

उ पैढ़रहल धरमसास्‍तरके भाग यि छेलै, “जनङ भेंरा काटैले लजाइछै, या भेंरा उन कतरैबला लग चुप रहैछै, तैहनङे उ आपन मुहसे कोनो बात नै निकाइलके चुपे बैठल रहलै।

रोमी 10:20

तब यसैया अगमबक्‍ता साहसके साथ परमेस्‍वरके बचन कहल्‍कै, “जे हमरा खोज्‍बे नै करल्‍कै, उसब हमरा भेटाइल्‍कै, जे हमर बारेमे पुछबे नै करल्‍कै, ओइसबके अगा हम आपने परगट भेलियै।”

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

रोमी 15:15

तैयो हम तोरासबके कुछ बात याद कराबैके लेल साहस कैरके यि चिठी लिखैचियौ। कथिलेत परमेस्‍वर हमरा अनुगरह करने छै,

१ कोरन्‍थी 2:3

हम तोरासबके लग जखुन एलियौ तखुन कमजोर भ्‍याके, एकदम डर्‌याल आ थरथर कापैत एल छेलियौ।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

१ कोरन्‍थी 4:21

तुसब कथी चाहैचिही? हम तोरासबलग अनुसासनके लाठी ल्‍याके एबौ कि परेम आ नम्‌र आत्‍माके साथ एबौ?

२ कोरन्‍थी 10:10

कतहेक लोक कहैछै, “पावलके चिठीसब गम्‍भीर आ करा हैछै, महज उ आपने हैतकाल कमजोर हैछै आ ओकर बोली कोनो महत्‍वके नै हैछै।”

२ कोरन्‍थी 10:2

हम तोरासबलग एबौ त उ कठोरता नै देखाइले परे जे कठोरता हमसब सन्‍सारके लोकसब जखा चलैचियै कैहके संका करैबला लोकसबके देखाइके लेल हम निस्‍चय करनेचियै।

२ कोरन्‍थी 10:7

तुसब त बाहरमे देखैबला बात मातरे देखैचिही। यदि कोइ उ खिरिस्‍टके चियै कैहके बिस्‍बास करैछै त, उ आपने आपके याद करे कि जहिना उ खिरिस्‍टमे छै तहिना हम्‍हुसब खिरिस्‍टके चियै।

२ कोरन्‍थी 11:21

हमरा ओइसबके जखा बेबहार करैले लाज हैये से बात हमर कमजोरी चियै कैहके सुइकारै चियै। महज कोनो लोक कुछ बातमे घमन्‍ड करैछै त, हम्‍हु ओइ बातमे घमन्‍ड करैचियै। हँ हम मुरुख जखा बोइलरहल चियै।

२ कोरन्‍थी 11:30

यदि हमरा गर्‌भ करे परतै त, हम आपने कमजोरी देखाइबला बातसबमे गर्‌भ करबै।

२ कोरन्‍थी 12:5

हम ओइ लोकके बारेमे घमन्‍ड करबै महज हम आपन कमजोरी बाहेक औरो कोनो बातमे घमन्‍ड नै करबै।

२ कोरन्‍थी 3:12

हमरासबके एहेन आसा भेलाके कारन हमसब एकदम साहसी भेलचियै।

२ कोरन्‍थी 5:20

ओहैसे हमसब खिरिस्‍टके राजदुतसब चियै आ परमेस्‍वर हमसबसे तोरासबके बिन्‍ती कैर रहलछौ। तुसब परमेस्‍वरसङे मेलमिलाप कर कैहके हमसब सेहो खिरिस्‍टके तरफसे तोरासबके बिन्‍ती करैचियौ।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।

गलाती 4:13

तोरासबके थाहे छौ, कि हम बिमार भेलाके कारन पहिन्‍का बेर तोरासबके सुसमाचार सुनाइले मौका पाबलियै।

गलाती 5:2

सुन, हम पावल आपनेसे तोरासबके कहैचियौ, तुसब खतना कैरके बेबस्‍था पालन करैचिही त तोरासबके लेल खिरिस्‍ट कोनो मोलके नै हेतौ।

एफिसी 3:1

तैखातिर हम पावल, तु गैर-यहुदीसबके खातिर खिरिस्‍ट येसुके सुसमाचार सुनाइबला काम करैबखत जहलमे परलचियै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

फिलिप्‍पी 4:5

तुसब सब लोकसङे असल बेबहार कर। परभु जल्‍दिए आइबरहल छौ।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

२ थेसलोनिकी 3:17

हम पावल आपने हाथसे गोरलगी लिखके पठाइचियौ। हमर सब चिठीके चिन्‍हैबला चेन्‍हा इहे चियौ। हम अहिनङेके लिखैचियै।

फिलेमोन 1:19

हम पावल आपने हाथसे यि लिखरहल चियौ, उ रिन हम आपनेसे तिरदेबौ। तु हमर कारन आत्‍मिक जिबन पाबइके रिनी भेलचिही से बात नै कहैतरहेपरतौ।

फिलेमोन 1:9

परेमके खातिर हम तोरा बिन्‍ती करैचियौ। हम बुढ पावल आ अखैन खिरिस्‍टके लेल जहलमे परल एक कैदी,

१ पतरुस 2:11

हे पिरिय भाइसब, यि सन्‍सारमे तुसब बिदेसी आ परदेसी जखा चिही। हम तोरासबके बिन्‍ती करैचियौ, देहके अधलाह इक्‍छासब पुरा करै दिसन नै लाग। एहेन परकारके इक्‍छासब तोरासबके आत्‍माके बिरोधमे उठतौ।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।