२ कोरन्‍थी 1:12 - मध्‍य पुरविया थारू

¹² अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

२ कोरन्‍थी 1:12 ပူးပေါင်းရင်းမြစ်များ

परेरित 23:1

तब पावल महासभा दिसन एकटक लग्‍याके ताकल्‍कै आ कहल्‍कै, “हौ भैयारीसब, हम आपन सुध मनसे परमेस्‍वरके नजरमे आइके दिनतक निरदोस जिबन बिताइने चियै।”

परेरित 24:16

तै खातिर परमेस्‍वर आ लोकसबके नजरमे हम निरदोस रहैले चाहैचियै।

रोमी 9:1

हमर कहल बात सत छै, झुठ नै, कथिलेत हम खिरिस्‍टके लोक चियै। पबितर आत्‍माके अधिनमे रहल हमर बिबेक हम झुठ नै बोलैचियै कैहके साक्‍छी दैछै।

१ कोरन्‍थी 1:17

कथिलेत बप्‍तिस्‍मा दैले नै महज सुसमाचार परचार करैके लेल खिरिस्‍ट हमरा पठेल्‍कै। हम परचार करैतखिना सन्‍सारके चलाक ग्‍यानसे नै करलियै, नै त खिरिस्‍टके कुरूसके सक्‍ति बेरथ हेतियै।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

१ कोरन्‍थी 2:13

जे बात हमसब परचार करैचियै, उ बातसब कोनो लोकके बुइधसे सिखेल्‍हा बातसब नै, महज पबितर आत्‍मासे सिख्‍याल बात बोलैचियै आ पबितर आत्‍मा पाबलहा लोकसबके आत्‍मिक सतके बातसबके अरथ खोइलदैचियै।

१ कोरन्‍थी 4:4

हमर आपने गल्‍ती हमरा थाह नै छै, महज यि हमरा निरदोस चियै कैहके साबित नै करैछै। हमर नियाय परभुवे करतै।

१ कोरन्‍थी 5:8

तैखातिर हमसब अधलाह आ दुस्‍ट कामके पुरन्‍का खमिरसे बनल रोटीसे नै, महज खमिर नै मिझर्‌याल, सुध आ सत्‍यताके रोटीसे निस्‍तार पाबैन मना।

२ कोरन्‍थी 1:17

कि हम अस्‍थिर नै भेल जखा यि योजना बनाइने चियै कैहके तोरासबके लागैछौ? कि हम योजना बनाइतकाल सन्‍सारके लोक जखा एके छनमे “हँ” आ एके छनमे “नै” कैहके कहैचियै से?

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

२ कोरन्‍थी 8:8

हम यि आग्‍याके रुपमे नै महज औरोसबके जोससङे तुलना कैरके तोरासबके परेम साँचो चियौ कैहके परमानित करैके लेल हम यि कहलियौ।

गलाती 6:4

सबकोइ आपन-आपन कामके जाँच आपनेसे करे। तब आपन करल काम असल हेतै त, उ आपन करल काममे खुसी हैले सक्‍तै आ दोसरसङे तुलना करैले नै परतै।

एफिसी 6:14

अहै कारन आब तैयार भ्‍याके ठारभेल रह। सतके डरकसना डारहमे बाइन्‍हके राख, छाति बचाइबला धारमिकताके कबज लगा।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

१ थेसलोनिकी 2:10

हमसब बिस्‍बासीसब सङे रहैतकाल हमरासबके बेबहार पबितर, धारमिक आ निरदोस छेलै। तकर गबाही परमेस्‍वर आ तुसब अपने चिही।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

हिबरु 13:18

हमरासबके लेल निरन्‍तर परथना करैतरह। हमरासबके बिस्‍बास छै कि, हमरासबके बिबेक सुधछै कथिलेकी हमसब सबकाम इमान्‍दारसे करैले चाहैचियै।

याकुब 4:6

बास्‍तममे परमेस्‍वर औरो बेसि अनुगरह करैछै। जनङकी पबितर धरमसास्‍तरमे लिखल छै, “परमेस्‍वर घमन्‍डी लोकसबके बिरोध करैछै, महज नम्‌रसबमे अनुगरह करैछै।”

१ पतरुस 3:16

महज नर्‌म भ्‍याके आदरकेसाथ सुध बिबेकसे ओइसबके जबाफ दहै। यदि तुसब एहेन करबिही त, खिरिस्‍टमे भेल तोरासबके असल चालचलन देखके तोरा बदनाम करैबला आपने लाजमे परतै।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।