१ तिमोथी 5:10 - मध्‍य पुरविया थारू

¹⁰ अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ तिमोथी 5:10 ပူးပေါင်းရင်းမြစ်များ

मतीके लिखल सुसमाचार 25:17

ओहिनङ दुइटा डलर पाबैबला नोकर सेहो औरो दुइटा सोनाके डलर कमाइल्‍कै।

मतीके लिखल सुसमाचार 5:16

अहिनङ तोरोसबके इजोत लोकसबके बिचमे चम्‍के, जहिनङ लोकसब तोरासबके असल काम देखके, स्‍वरगमे रहैबला पिताके परसन्‍सा करे।”

लुका 7:38

उ पछासे आइबके येसुके टाङ लग ठार भ्‍याके काने लाग्‍लै आ आपन लोरसे टाङके भिजाबे लाग्‍लै। उ आपन केससे टाङ पोइछके चुम्‍मा लेल्‍कै आ अतर घोसे लाग्‍लै।

लुका 7:44

तब ओइ जनिजाइत दिसन घुइमके येसु सिमोनके कहल्‍कै, “सिमोन हम तोहर घरमे एलियौ हमरा टाङ धुवाइले पानीयो नै देल्‍ही, महज यि त हमर टाङ लोरसे धुवाइल्‍कै आ केससे पोछल्‍कै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

परेरित 22:12

“दमस्‍कसमे हननिया नामके एक गोरे हमरसे भेटघाट करैले एलै। उ मोसाके नियमके पालन करैबला धरमी लोक रहै आ दमस्‍कसमे रहैबला सब यहुदीसब ओकरा बहुत आदर करैतरहै।

परेरित 6:3

तहैले हौ भाइसब, तोरासबमेसे पबितर आत्‍मासे भरल, असल बुइधके आ आदर पाबैबला सातटा लोक छान जकरा अपनासब यि कामके जिम्‍मा देबै।

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

परेरित 9:39

तब पतरुस उइठके ओइसबसङे गेलै। ओते पहुचलाके बाद उसब ओकरा उपरका कोठलीमे ल्‍यागेलै। बिधवासब ओकर लगमे ठार भ्‍याके काने लाग्‍लै आ डोरकसमे ओइसबसङे रहैत बखत बन्‍याल कुरता आ औरो बस्‍तरसब देखेल्‍कै।

रोमी 12:13

खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा-सत्‍कार कर।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

१ तिमोथी 2:10

बरु असल कामसे सुसोभित हेबे, जे परमेस्‍वरके भक्‍ति करैबला जनिसबके सोहाबैछै।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

१ तिमोथी 3:7

देखभाल करैबला अगुवा मन्‍डलीएटाके भितरे मातर नै महज उ मन्‍डलीके बाहरो इजत-मान भेटल लोक हैकेचाही। तब मातरे ओकरा बिस्‍बासी लोकसब मान करतै आ सैतानके जालमे नै परतै।

१ तिमोथी 5:16

यदी कोनो खिरिस्‍टमे बिस्‍बास करैबला जनिके घरमे मसोमातनीसब छै त, उ ओइसबके मदत करे। ओहेन करलासे ओकरसबके भार मन्‍डलीके नै परतै आ जे साँचोके मसोमातनीसब छै ओइसबके मन्‍डली मदत करेसक्‍तै।

१ तिमोथी 5:25

तहिनङ कतहेक लोकके करल असल काम परस्‍टे देखा परैछै आ परस्‍ट नहियो देखा परैबला असल काम एक न एक दिन अबस्‍य देखा परतै।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

२ तिमोथी 1:5

हम तोहरमे भेल निसकपट बिस्‍बासके याद करैचियौ। जे बिस्‍बास तोहर नानी लोइस आ तोहर माँ युनिसमे छेलौ। हमरा पुरा बिस्‍बास छै, जे उ बिस्‍बास तोरोमे छौ।

२ तिमोथी 2:21

यदी कोनो लोक आपनके खराब कामसे सुध राखैछै त, उ आदरके जोग कामके खातिर एकटा भँड़िया बन्‍तै। कथिलेत उ आपने सुध राइखके सब असल कामके खातिर मालिकके मनपरैबला हेतै।

२ तिमोथी 3:15

तु छोटेसे पबितर धरमसास्‍तरमे लिखल बचनसे परिचीत चिही। ओहै बातसबसे खिरिस्‍ट येसुमे बिस्‍बास कैरके मुक्‍ती पाबैले ग्‍यान दैछौ।

२ तिमोथी 3:17

ताकि परमेस्‍वरमे बिस्‍बास करैबला लोकसब सब असल कामके खातिर पुरा तौरसे सुसोभित भ्‍याके रहे।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

तितस 3:1

सासक आ अधिकारीसबके अधिनमे रैहके ओइसबके बात माने परैछै कैहके आपन बिस्‍बासीसबके सिखा। भलाइके सब काममे हरदम तैयार रहेपरैछै कैहके सम्‍झा-बुझ्‍हा।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

हिबरु 10:24

अपनासब एक-दोसरके परेम आ असल कामके लेल कनङके उत्‍साह दैले सक्‍बै ओइ बातमे धियान दैले परतौ।

हिबरु 13:2

परदेसीसबके सेबा-सत्‍कार करैले नै बिसर, कथिलेकी अहिनङ कैरके कोइ कोइ थाहे नै पाइबके स्‍वरगदुतसबके अथिती सत्‍कार करने छै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

१ पतरुस 4:9

एक दोसरके आपन-आपन घरमे बिना कच-कच सेबा-सत्‍कार कर।

३ युहन्‍ना 1:12

डेमेतिरियसके बारेमे सबलोक असल गबाही दैछै आ उ सतमे चलैछै से बात ओकर जिबनसे सत आपनेसे साक्‍छी देनेछै। हम्‍हुसब ओहै बातके गबाही दैचियै आ तुसब जान्‍बे करैचिही कि, अपनासबके गबाही सत छै।