१ तिमोथी 3:15 - मध्‍य पुरविया थारू

¹⁵ यदी हमरा आबैमे देर हेतै त, परमेस्‍वरके परिबारमे भेल लोकसबके चाल-चलन केहेन रहैके चाही से जाइनले। यि परिबार त जिबित परमेस्‍वरके मन्‍डली अरथात सतके खम्‍हा आ जग चियै।

१ तिमोथी 3:15 ပူးပေါင်းရင်းမြစ်များ

मतीके लिखल सुसमाचार 16:16

सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

मतीके लिखल सुसमाचार 18:18

“साँचोके हम तोरासबके कहैचियौ, अइ पिरथिबीमे तुसब जे बान्‍हबिही, से स्‍वरगमे बान्‍हल जेतौ आ अइ पिरथिबीमे जे खोलबिही, से स्‍वरगमे खोलल जेतौ।

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

युहन्‍ना 6:69

अहाँ परमेस्‍वरके पठ्‍याल पबितर लोक चियै से बातमे हमसब बिस्‍बास करैचियै आ जानैचियै।”

परेरित 1:2

येसु स्‍वरग जाइसे पहिने आपनेसे छानल परेरितसबके पबितर आत्‍माके सक्‍तिसे आग्‍या देल्‍कै।

परेरित 14:15

“यौ साथीसब, अहाँसब कथिले एहेन काम करैचियै? हम्‍हुसब त अहैसब जखा दुख-सुख भोगैबला लोकसब चियै आ अहाँसब यि मुरुतके पुजा-पाठ करैले छोइरके जिबित परमेस्‍वर जे अकास, पिरथिबी, समुन्‍दर आ ओइमे जे कुछो छै, ओइसबके बनाइनेछै तैमे बिस्‍बास करु कैहके सुसमाचार सुनाबैले एलचियै।

रोमी 3:2

हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।

रोमी 9:26

तब “जै ठाममे यहुदी बाहेक औरो लोकसबके एहेन कहलगेलै, ‘तुसब हमर परजा नै छेल्‍ही’, ओहै ठाममे ‘आब जिबित परमेस्‍वरके बेटा-बेटी कहाइबिही।’”

१ कोरन्‍थी 10:32

तुसब ककरो ठेस लागैबला काम नै कर, चाहे यहुदीके, चाहे गिरिकके या चाहे परमेस्‍वरके मन्‍डलीके हेबे।

१ कोरन्‍थी 3:16

तुसब परमेस्‍वरके मन्‍दिर चिही आ परमेस्‍वरके आत्‍मा तोरासबमे बास करैछौ, कि तुसब नै जानैचिही?

२ कोरन्‍थी 3:3

साँचोके तुहिसब येसु खिरिस्‍टके लिखल चिठी अरथात हमरासबके करल सेबकाइके नतिजा चिही, जे चिठी मसिसे नै, महज जिबित परमेस्‍वरके आत्‍मासे लिखलगेल छै, पथलके सिलेटमे नै, महज लोकसबके हिरदयके सिलेटमे लिखलगेल छै।

२ कोरन्‍थी 6:16

परमेस्‍वरके मन्‍दिरके मुरतीसङे कोन समबन्‍ध? कथिलेकी हमसब त जिबित परमेस्‍वरके मन्‍दिर चियै। जनङकी परमेस्‍वर कहनेछै, “हम ओकरासबमे बास करबै आ ओकरासबके बिचमे चल-फिर करबै। हम ओकरासबके परमेस्‍वर हेबै आ उसब हमर परजा हेतै।

२ कोरन्‍थी 6:7

सत खबर परचार कैरके परमेस्‍वरके सक्‍तीसे हमसब काम करैचियै। लराइ करैबला हाथ-हथियार देहना हाथमे आ आपनके रक्‍छा करैबला हाथ-हथियार बमा हाथमे बोकैचियै। उ एकेटा हाथ-हथियार धारमिकता चियै।

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।

एफिसी 4:21

साँचोके तुसब येसुके सिक्‍छा सुइनके ओकर चेला भेलाके कारन, ओकर बारेमे सत बात सिखनेचिही।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

१ थेसलोनिकी 1:9

कथिलेकी जब हमसब तोरासबलग एलियौ त तुसब कनङके हमरासबके स्‍वागत कैल्‍ही आ जिबित आ सत परमेस्‍वरके सेबा करैके लेल कनङके मुरतिपुजा करैले छोइरदेल्‍ही से बात त लोकसब आपने कहैछै।

१ तिमोथी 3:14

हम तोहरलग जल्‍दी आबैके असा राखने चियौ, महज यि चिठी अहैलेल लिखैचियौ,

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

१ तिमोथी 3:5

कथिलेत आपन घर परिबार असलसे नै चलाबे सकैबला कनङके मन्‍डलीके देखभाल करे सक्‍तै?

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

१ तिमोथी 6:16

उ अजर-अमर रहैबला आ उ एहेन इजोतमे बास करैछै जकर लगमे कोइ नै जाइले सकैछै। ओकरा कोइयो नै देखने छै आ नै देखे सक्‍तै। सब आदर आ सब सक्‍ति, सबदिन ओकरे चियै। आमेन।

२ तिमोथी 2:19

महज तैयो परमेस्‍वरके आपनेसे बनेल्‍हा जग सबदिन अटल छै। ओइ जगमे एहेन लिखल छै: “परभु आपन लोकसबके चिन्‍हैछै” आ “परभुके नाम लैबला सब गोरा खराब कामसे दुर रहे परतै।”

२ तिमोथी 2:20

केहनो धनिक लोकके घरमे सोना-चानीके भरिया-बरतन मातरे नै रहैछै, ओते काठ आ माटीके भरिया-बरतन सेहो रहैछै। कोनो बिसेस कामके लेल चलाबैछै त कोनो सधारन कामके लेल चलाबैछै।

हिबरु 10:21

उ परमेस्‍वरके घरमे अधिकार पाबल अपनासबके परधान पुजारी चियै।

हिबरु 12:22

महज तुसब त सियोन पहार अरथात जिबित परमेस्‍वरके सहर स्‍वरगिय यरुसलेममे एलचिही। जते अनगिन्‍ती स्‍वरगदुतसब आनन्‍द मनाबैछै।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?

परकास 7:2

जिबित परमेस्‍वरके लाहट लेके एकटा स्‍वरगदुत पुरुबसे उपर दिसन आबैत हम देखलियै। पिरथिबी आ समुन्‍दरके नोक्‍सान करैबला अधिकार पाबलहा चारटा स्‍वरगदुतसबके उ जोरसे अनङ कहल्‍कै,