१ तिमोथी 1:14 - मध्‍य पुरविया थारू

¹⁴ आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

१ तिमोथी 1:14 ပူးပေါင်းရင်းမြစ်များ

मतीके लिखल सुसमाचार 20:9

तब पाँच बजे काम सुरु करैबलासबके पैहने बोल्‍याके सबके एक दिन बराबरके बैन देल्‍कै।

परेरित 15:11

महज हमसब बिस्‍बास करैचियै कि परभु येसुके किरपासे अपनासबके मुक्‍ती मिलल छै, जनङ उसबके मिलल छै।”

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

१ कोरन्‍थी 3:10

परमेस्‍वरके देल अनुगरहसे हम एकटा घर बनाइबला सिपालु मिसतिरी जखा जग खरा करलियै आ दोसर कोइ तैमे घर बनाबैछै। तैमे घर बनाइबला हरेक लोक कनङके बनाबैछै से निकसे धियान देबे।

२ कोरन्‍थी 13:14

परभु येसु खिरिस्‍टके अनुगहर, परमेस्‍वर पिताके परेम आ पबितर आत्‍माके संगति तोरासबके सङे हैतरहे।

२ कोरन्‍थी 4:15

यि सब तोरेसबके हितके लेल भेल छै, कथिलेकी जतेक बहुत लोकसब परमेस्‍वरके अनुगरह पाबतै ओतेक बहुत परमेस्‍वरके महिमाके लेल ओकरा धन्‍यबाद दैबला काम हेतै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

गलाती 1:13

तुसब त जानैचिही, जखुन हम यहुदी धरम मानैछेलियै तै बखतके पहिन्‍का जिन्‍गीके बेबहार केहेन छेलै। कनङ हम परमेस्‍वरके मन्‍डलीके लोकसबके घोर अतियाचार करैछेलियै आ ओकरासबके नास करैले चाहैछेलियै।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।

१ तिमोथी 2:15

महज तैयो जनी नम्‌र भ्‍याके बिस्‍बास, परेम आ पबितर रहतै त बच्‍चा जलमाइबेर उसब उदार पाबतै।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

१ तिमोथी 6:11

महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

२ तिमोथी 1:13

खिरिस्‍ट येसुमे भेल बिस्‍बास आ परेममे अस्‍थिर रैहके हमरसे सिखल्‍हा असल सिक्‍छाके तु नमुना बैनके लोकसबके सिखा।

२ तिमोथी 2:22

तैल्‍याके तु जबानीके अधलाह ललसासे दुर रह आ सुध हिरदयसे परभुके पुकारैबला सब सङे धारमिक्‍ता, बिस्‍बास, परेम आ सान्‍तीके पछा लाग।

तितस 2:2

बुढबासबके परहेज करैले, गहन आ अपने आपके बसमे राखैले सिखा। ओइसबके बिस्‍बासमे, परेममे आ सहनसिलमे बौकार हैलेपरतै कैहके सिखा।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

१ युहन्‍ना 4:10

साँचो परेम यि चियै कि, हमसब परमेस्‍वरके परेम नै करलियै महज तैयो परमेस्‍वर अपनासबके परेम करल्‍कै आ अपनासबके पापके बलिहैके लेल आपन बेटाके पठाइल्‍कै।

परकास 22:21

परभु येसुके अनुगरह तोरासबसङे रहे! आमेन।