25 भाइसब, हमरोसबके लेल परथना करैतरह।
पिरिय भाइ-भैयासब, अपनासबके परभु येसु खिरिस्ट आ पबितर आत्माके देल परेमके कारन हमर दुखमे सहायता करैले हमरसङे परमेस्वरसे सबदिन परथना कर कैहके तोरासबसे बिन्ती करैचियौ।
तुसब परथनासे हमरासबके सहायता करेपरतौ। अहिनङ बहौत लोकके परथनाके उतरके रुपमे हमसब जे आसिस पाबनेचियै, तकर लेल बहुतो लोक परमेस्वरके धन्यबाद चरहाइतै।
कथिलेत हमरा थाहछै, कि तोरासबके परथनासे आ येसु खिरिस्टके आत्माके मदतसे हम छुटकरा पाब्बै।
खिरिस्टके रहसके बात लोकसबके परचार करैले परमेस्वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।
दोसर बात यि चियै कि हमर लेल एकटा कोठली तयार कैरके राखने रहिये, कथिलेकी तोहर परथनाके कारनसे हम्हु तोहर लग आबैके आसा करनेचियै।
