१ थेसलोनिकी 5:21 - मध्‍य पुरविया थारू

²¹ महज सब बातके जाँच कर आ जे चिज असल छै ओइके पकरने रह।

१ थेसलोनिकी 5:21 ပူးပေါင်းရင်းမြစ်များ

लुका 12:57

कोन बात ठिक चियै कैहके तुसब कथिले नै आपनेमे उचित निरनय करे सकैचिही?

युहन्‍ना 15:4

तुसब हमरमे रह आ हम तोरासबमे रहबौ। जेनङकी ठाइर अङगुरके लतीमे नै रहतै त उ आपनेसे फल फराइले नै सक्‍तै, तहिनङ तुसब हमरमे नै रहबिही त तुहुसब फल फराइले नै सकबिही।

युहन्‍ना 8:31

येसु आपन उपर बिस्‍बास करैबला यहुदीसबके कहल्‍कै, “यदि तुसब हमर बचनके पालन करैत रहबिही त, साँचोके तुसब हमर चेला चिही।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

परेरित 17:11

ओतेका लोकसब थेसलोनिकेके लोकसबसे खुला बिचारके लोकसब रहै। उसब परमेस्‍वरके सुसमाचार एकदम धियान द्‍याके सुनै। पावलके कहलहा बातसब मिलैछै कि नै मिलैछै कैहके उसब हरेक दिन धरमसास्‍तर पढ़है आ जाँचै।

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

रोमी 12:9

तोरासबके परेम देखाबटी नै महज सत हेबे। खराब काम छोइरके असल काममे लागल रह।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

१ कोरन्‍थी 2:11

लोकके भितर भेल आपने आत्‍मा बाहेक के लोकके बिचारके बुझहैले सक्‍तै? तहिनङे परमेस्‍वरके बिचार परमेस्‍वरके आत्‍मा बाहेक कोइ नै बुझैछै।

गलाती 6:10

तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

एफिसी 5:10

कोन-कोन बातसे परभु खुस हैछै, से सिखैले कोसिस कर।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

फिलिप्‍पी 3:16

चाहे जे हेबे, हमसब जे बात पाबनेचियै तैमे बौकार भ्‍याके रह।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

१ थेसलोनिकी 5:15

तुसब ककरो खराबीके बदला खराबी नै कर, महज एक-दोसरके आ सके जतहेक सब लोकसबके भलाइ करैके कोसिस कर।

१ थेसलोनिकी 5:22

सब अधलाह बातसबसे दुर रह।

२ थेसलोनिकी 2:15

तहै खातिर भाइ-भैयासब, आपन बिस्‍बासमे अस्‍थिर भ्‍याके रह, उ चाहे बोलि-बचनसे हेबे, चाहे लिखल चिठीसे हेबे, तुसब जे सिक्‍छा पाबनेचिही ओकरा पकरने रह।

२ तिमोथी 1:15

तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

२ तिमोथी 3:6

कथिलेत तोरासबमेसे कोइ-कोइ घर-घरमे ढुइकके पापे-पापसे दाबल आ अधलाह इक्‍छासबसे भरल मुरुख जनिजाइतसबके आपन बसमे राखैछै।

२ तिमोथी 4:14

लोहाके काम करैबला अलेक्‍जेन्‍डर हमरा बहौत नै निक करल्‍कै। ओकर करल कामके फल परभुवे ओकरा देतै।

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

परकास 2:25

महज जाबेतक हम नै एबौ ताबेतक तुसब आपन बिस्‍बासमे अरल रह।

परकास 3:11

हम जल्‍दिए आइबरहल चियौ। तोहरमे भेल बिस्‍बासके बचाके राख ताकी कोइ नै तोरासे बिजयके मुकुट छिनके लेबे।

परकास 3:3

अहैलेल तु जे सिक्‍छा सुनने आ सिखनेचिही ओकरा याद कर। उ बातमे लागल रह आ पापसे पस्‍चाताप कैरके मन परिबरतन कर। यदि तुसब जागल नै रहबिही त, हम चोर एल जखा सुटुकसे एबौ आ हम कोन घरी एबौ से तु थाह नै पाबबिही।