१ थेसलोनिकी 5:14 - मध्‍य पुरविया थारू

¹⁴ देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

१ थेसलोनिकी 5:14 ပူးပေါင်းရင်းမြစ်များ

मतीके लिखल सुसमाचार 12:20

नै त उ सरल नरकटके तोरतै आ नै मिरी-मिरी बरैबला डिबियाके बुतेतै। अन्‍तमे उ नियाइके जितमे पुगेतै।

लुका 22:32

महज तोहर बिस्‍बास नै डगमगावे कैहके हम तोहर लेल परथना करनेचियौ आ फेनो तु हमर दिसन घुइमके एलाकेबाद तोहर भाइसबके अस्‍थिर करा।”

परेरित 20:27

कथिलेत हम परमेस्‍वरके सरा योजना सुनाबैले पछामाथे नै ताकलियौ।

परेरित 20:31

तै खातिर होसियार रह, कि हम तिन बरिसतक दिन-रात लोर बह्‍या-बह्‍याके लोकसबके समझाइते रहलियौ।

परेरित 20:35

हम आपन सबकाम तोरासबके कैरके देखा देलियौ कि, तुहुसब अहिनङे मेहनत कैरके कमजोरसबके मदत कर आ परभु येसुके कहल बचन याद कर जे उ आपनेसे कहनेछै, ‘लेनाइ से देनाइ मे आसिस छै।’”

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

रोमी 14:1

बिस्‍बासमे कमजोर भेल्‍हा लोकसबके सुइकार कर आ उसब जे बिचार करने छै, तैमे दोस लग्‍याके ओइसबसङे तरक नै कर।

१ कोरन्‍थी 4:14

हम तोरासबके लाजमे पारैके लेल नै, महज हमर पिरिय बालकसब जखा चेताबनी दैले यि बात लिखैचियौ।

१ कोरन्‍थी 8:7

महज सब बिस्‍बासी लोकके यि ग्‍यान नै हैछै। ओकरासबके मुरतिपुजाके आदत भेलाके कारन अखुन्‍तो मुरुतिके चरह्‍याल चिज खाइछै त साँचोके मुरुतिके चरह्‍याल चिज खाइचियै कैहके ठानैछै। ओइसबके मनमे एहेन गलत बिचार भेलाके कारन उ खेलासे “हम असुध भेलियै” कैहके ठानैछै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

एफिसी 4:2

सबदिन नर्‌म, सोझ आ धिरजी भ्‍याके एक-दोसरके परेम कर।

एफिसी 4:32

महज एक-दोसरके दया देखा। जनङ परमेस्‍वर तोरासबके खिरिस्‍टमे छमा करल्‍कौ तहिनङे तुहुसब एक-दोसरके छमा कर।

कलस्‍सी 1:28

तैखातिर हमसब ग्‍यानमे सबलोकके चेताबनी आ सिक्‍छा दैत खिरिस्‍टके बारेमे परचार करैचियौ ताकी सबलोकके खिरिस्‍टमे परिपक बन्‍याके परमेस्‍वरके अगा लाबैले सकी।

२ थेसलोनिकी 3:15

तैयो ओकरा दुस्‍मन नै मान, महज एकटा भाइ माइनके चेताबनी दहै।

१ तिमोथी 3:3

महज उ मारपिट नै करैबला, दाखमध नै पिये बला, रिस नै करैबला, सान्‍त स्‍वभाबके आ पैसाके लोभ नै करैबला हैकेचाही।

१ तिमोथी 6:11

महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

तितस 1:10

कथिलेकी बहुतो एहेन लोकसब रहै जेसब अगुवासबके अधिनमे रहैले नै मानै, बेरथके बात करै आ दोसरके धोखा दैछै। खास कैरके त खतना हैकेचाही कहैबलासब ओहेन हैछै।

तितस 1:6

मन्‍डलीके एल्‍डरसब निरदोस जिबन बिताइबला आ एकेटा घरबाली भेल लोक रहैके चाही। ओकर बेटा-बेटी बिस्‍बासी, असल चरितर आ कहल मानैबला हैकेचाही।

हिबरु 12:12

अहैलेल थाकल हाथसब उठा आ दुरबल ठेहुनाके बौकार बना।

हिबरु 13:3

तुसब आपने जहलमे परल जखा जहलमे परलहासबके तुसब वास्‍ता कर। आपने दुख भोगल जखा अतियाचारमे परलहासबके याद कर कथिलेकी तुहुसब सरिरमे चिही।