१ थेसलोनिकी 4:5 - मध्‍य पुरविया थारू

⁵ परमेस्‍वरके नै चिन्‍हैबला लोकसब जखा बेबिचारके ललसा नै कर।

१ थेसलोनिकी 4:5 ပူးပေါင်းရင်းမြစ်များ

मतीके लिखल सुसमाचार 6:32

कथिलेत गैर-यहुदीसब यि सबचिज ताकैछै, महज तोरासबके पिता जे स्‍वरगमे रहैछै, उ तोरासबके यि सब चिज चाही से जानैछै।

लुका 12:30

कथिलेत परमेस्‍वरके नै चिन्‍हैबला लोकसब यि चिजसबके चिन्‍ता करैछै। यि सब चिजसब तोरासबके चाही से बात परमेस्‍वर पिता जानैछौ।

परेरित 17:23

कथिलेत यि सहरमे घुमफिर करैत अहाँसबके पुजो करैबला ठामसब देखलियै। हम अहिनो एकटा बेदी देखलियै जैमे, ‘अनजान भगबान खातिर’ खोइधके लिखल देखलियै। अहैले अहाँसब अकरा अनजानमे पुजा करैचियै, ओह्‍या परमेस्‍वरके हम अखुन अहाँसबके बिचमे सुनाइ चियै।

रोमी 1:24

अहैलेल ओकरासबके हिरदयसे चाहना करल बेबिचारमे परमेस्‍वर ओकरासबके छोइरदेल्‍कै आ उसब एक दोसरसङे घिनलागैबला काम कैरके आपन देहके अपबितर बनाइल्‍कै।

रोमी 1:26

ओहैसे परमेस्‍वर ओकरासबके घिनलागैबला बेबिचारके इक्‍छामे ओइसबके छोइरदेल्‍कै। ओइसबके घरबालीसब आपन घरबलासङे स्‍वभाबिक सहवास राखैके छोरके जनी जनीसङे घिनलागैबला सहबास करल्‍कै।

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 15:34

होसमे या आ आबसे पाप नै कर। कथिलेत तोरासबमेसे कतहेक गोरे परमेस्‍वरके नै चिनहने चिही। यि त तोरासबके लेल सरमके बात चियौ।

गलाती 4:8

तुसब परमेस्‍वरके चिन्‍हैसे पहिने बहुतो देबी-देउतासबके पुजा करैछेल्‍ही, जे परमेस्‍वर नै चियै। तुसब ओकर दास छेल्‍ही।

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

२ थेसलोनिकी 1:8

तब परमेस्‍वरके नै चिन्‍हैबलासब आ परभु येसुके सुसमाचारके नै मानैबलासबके सजाय देतै।

१ पतरुस 4:3

तुसब बितलहा दिनसबमे गैर-यहुदी जखा निरलज बेबहार करनाइ, बेबिचारमे लिन, खराब अभिलासामे लगनाइ, पिके मातल, मोज-मज्‍जा करैबला आ घिरनित मुरतिपुजामे परसस्‍त समय बिताइलिही।