१ थेसलोनिकी 4:11 - मध्‍य पुरविया थारू

¹¹ हमसब तोरासबके कहने छेलियौ तहै बमौजी सान्‍तीमे जिबन बिताबैके लक्‍छ राख, आपन आपन काममे लागल रह आ आपने हाथसे कमाइले बेसी से बेसी कोसिस कर।

१ थेसलोनिकी 4:11 ပူးပေါင်းရင်းမြစ်များ

मरकुस 13:34

यि त एकटा लोक बिदेस गेल जखा चियै। जाइसे पहिने उ आपन नोकर-चाकरसबके घरमे सब काम-काजसबके जिम्‍मा लग्‍याके आ पहरेदारके जागल रह कैहके आग्‍या द्‍याके बिदेस गेल जखा चियै।

परेरित 18:3

उसब पाल बनाइबला काम कैरके जिबीका चलाबैतरहै। पावल ओकरेसबकेसङे रहलै कथिलेत ओहो ओहैसब जखा पाल बनाइनला काम कैरके जिबीका चलाबैतरहै।

परेरित 20:35

हम आपन सबकाम तोरासबके कैरके देखा देलियौ कि, तुहुसब अहिनङे मेहनत कैरके कमजोरसबके मदत कर आ परभु येसुके कहल बचन याद कर जे उ आपनेसे कहनेछै, ‘लेनाइ से देनाइ मे आसिस छै।’”

रोमी 12:11

करैबला काममे कोरहिया नै बन महज पबितर आत्‍मामे जोसगर हो आ परभुके सेबा करैतरह।

रोमी 15:20

दोसर कोइके सुरु करल जगमे घर बनाबैबला जखा हम नै चियै महज खिरिस्‍टके बारेमे कहियो नै सुनल ठाममे सुसमाचार परचार करनाइ हमर उतकट इक्‍छाछै।

१ कोरन्‍थी 4:12

हमसब आपन हाथसे काम कैरके मेहनत करैचियै। जे हमरासबके सराप दैछै ओकरासबके हमसब आसिरबाद दैचियै आ सताबट आबैछै त हमसब सहैचियै।

२ कोरन्‍थी 5:9

ओहैसे हमसब चाहे देहमे या चाहे देहसे अलग रैहके, ओकरा खुसी बनाबैके हमरासबके लक्‍छ चियै।

एफिसी 4:28

जे चोराबैछै आबसे उ चोरी नै करे। बरु मेहनत कैरके आपने हाथसे कमाबे आ अभाबमे परलहासबके मदत करैले सके।

१ तिमोथी 2:2

रजा आ हाकिमसबके लेल परथना कर ताकि हमसब सुख सान्‍तीसे परमेस्‍वरके भक्‍ति करे आ आदरके जिबन बिताबे सकी।

१ तिमोथी 5:13

उसब अङने-अङने चलैबला आदत पैरके कोरनी आ चुगली लगाइबाली हैछै। ओतबे नै उसब नै बाजैबला बातसब बतियाइछै आ दोसरके काममे टाङ अराबैबाली हैछै।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

१ पतरुस 3:4

बरु तोरासबके भितरी हिरदयके नरम आ सान्‍त आत्‍माके नास नै हैबला मोतिसे सजा, जे परमेस्‍वरके नजरमे बहौत मोलके चियै।

१ पतरुस 4:15

महज तोरासबमेसे कोइ नै हतिया, चोरी, खराब काम कैरके या औरोके काममे फैसेके दन्‍ड नै भोग।