१ थेसलोनिकी 2:17 - मध्‍य पुरविया थारू

¹⁷ देख भाइसब, हमसब कुछ समयके लेल तोरासबसे जरुर दुर हैले परलै, महज हमरासबके मन त तोरासबसङे रहौ। तोरासबके सामनेसे देखेके बहौत इक्‍छा भेलाके कारन तोरासबलग जाइले बहौत कोसिस करलियौ।

१ थेसलोनिकी 2:17 ပူးပေါင်းရင်းမြစ်များ

लुका 12:58

कोइ तोहर उपर झगरा लग्‍याके पन्‍च लग लजाइत खिना रस्‍तेमे मिलैके कोसिस कर। नै त उ तोरा पन्‍चके अगा लेजाइतौ आ पन्‍च तोरा सिपाहीके जिमा लगाइतौ आ सिपाही तोरा जहलमे ढोइकदेतौ।

लुका 22:15

येसु ओकरासबके कहल्‍कै, “हम दुख भोगैसे पैहनैये निस्‍तार पाबैनके भोज तोरेसबकेसङे खाइके हम बहुत बरका इक्‍छा करनेछेलियै,

परेरित 17:10

ओहै दिन अन्‍हार हैत परभुमे बिस्‍बास करैबला भाइ-भैयारीसब पावल आ सिलासके बेरिया सहरमे पठाइल्‍कै। ओते पुग्‍लाकेबाद उसब यहुदी सभाघरमे गेलै।

रोमी 1:13

हे हमर भाइ-भैयासब, तोरासबके यि थाह हेबे कैहके हम चाहैचियौ कि, तोरासबके लग बहुतो बेर आबैले चाहलियै, महज कोनो न कोनो कारनबस अखुनतक आबैले नै सकल चियै। हम औरो ठामके गैर-यहुदीसबके खिरिस्‍टमे बौकार बन्‍याल जखा तोरोसबके बौकार बनाइले खुब इक्‍छाछै।

रोमी 15:23

महज यि ठामसबमे हम परचारके काम पुरा कैरलेने चियै। बहुतो बरिससे तोरासबके भेटैले हमर उतकट इक्‍छाछै।

१ कोरन्‍थी 5:3

हम तोरासबके बिचमे नै चियौ, तैयो आत्‍मामे हम तोरेसबसङे चियौ। हम तोरासबसङे भेल जखा एहेन काम करैबलाके नियाइ कैरसक्‍ने चियै।

कलस्‍सी 2:5

कथिलेत हम देहमे तोरासबसे दुर चियौ तैयो आत्‍मामे त तोरेसबसङे चियौ। खिरिस्‍टमे तोरासबके बिस्‍बास एकदम अस्‍थिर भेल देखके हम बहुत खुसी भेलचियौ।

१ थेसलोनिकी 3:6

महज तिमोथी भरखरे तोरासब लगसे हमरासबलग एलछै आ तोरासबके बिस्‍बास आ परेमके बारेमे असल खबर आन्‍ने छै। तुसब हरदम हमरासबके परेमसे सम्‍झैचिही आ हमरासबके तोरासबसे भेटकरैके जतेक सुरता लागल छै ओतहेक तोरोसबके भेटैके सुरता करनेचिही से बात उ हमरासबके सुनेल्‍कै।