१ थेसलोनिकी 2:16 - मध्‍य पुरविया थारू

¹⁶ गैर-यहुदीसबके मुक्‍तीके सन्‍देस सुनाइबला हमरासबके काममे उसब बाधा पुगेल्‍कै। एहेन कैरके उसब आपन पापके घरा भैरलेल्‍कै। आखिरमे परमेस्‍वरके करोध ओइसबके उपर परलै।

१ थेसलोनिकी 2:16 ပူးပေါင်းရင်းမြစ်များ

मतीके लिखल सुसमाचार 12:45

तब उ ज्‍याके आपनोसे खराब औरो सातटा भुत आत्‍मासबके आइनके भितर ढुइके ओतै बास करैछै। तब ओइ लोकके दसा पहिन्‍कोसे औरो खराब हैछै। यि दुस्‍ट पुस्‍ताके हालत ओहिनङे हेतै।”

मतीके लिखल सुसमाचार 23:32

आब जो आ तोहर पुरखासबके सुरु करल पापके काम पुरा कर!

मतीके लिखल सुसमाचार 24:14

परमेस्‍वरके राजके यि सुसमाचार परचार सन्‍सार भैर करलजेतै, ताकि सब जातीके लोकसब सुनैके मौका पाबे, तकरबादे यि सन्‍सारके अन्‍त हेतै।

मतीके लिखल सुसमाचार 24:6

तुसब लराइ आ लराइके हल्‍लासब सुनबिही। महज उ समयमे तुसब नै घबराइहे, कथिलेत पहिने यि सब हेनाइ आबस्‍यक छै, महज अन्‍त तुरन्‍ते नै हेतौ।”

मतीके लिखल सुसमाचार 3:12

फटकैबला सुपा ओकरे हाथमे छौ आ उ आपन खरहियानके आपने साफ करतौ। आपन गहुम बखारीमे जम्‍मा करतौ, महज भुसा जतेक सब नै बुताइबला आइगमे जराइतै।”

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

परेरित 13:45

लोकसबके भिर देखके यहुदीसब एकदमसे डाह करे लाग्‍लै। पावल जे बाजैछेलै तै बातके उसब अपमान करैत ओकर बिरोध करे लाग्‍लै।

परेरित 13:50

महज यहुदीसब परमेस्‍वरके भक्‍ति करैबला जनिसब आ सहरके नेतासबके समेत पावल आ बरनाबासके बिरोधमे चरह्‍या-बरह्‍याके ओइसबके ओइ इलाकासे भगा देल्‍कै।

परेरित 14:19

तकरबाद कुछ यहुदीसब एन्‍टिओखिया आ आइकोनियनसे ओते एलै आ लोकसबके आपन पक्‍छमे कैरके पावल उपर पथलबाही कराइल्‍कै। उ मरगेल हेतै कैहके ओकरा घिस्‍याइत लज्‍याके सहरसे बाहर फेकदेल्‍कै।

परेरित 14:2

महज बिस्‍बास नै करैबला यहुदीसब गैर-यहुदीसबके उस्‍काके परभुमे बिस्‍बास करैबला लोकसबके बिरोध करैले लगाइल्‍कै।

परेरित 14:5

तब गैर-यहुदीके लोक आ यहुदी लोकसब ओकरासबके आपने सासकसब सङे मिलके पावल आ बरनाबासके अपमान करैले आ पथलसे मारैके मन करल्‍कै।

परेरित 17:13

महज जब थेसलोनिकेमे भेल्‍हा यहुदीसब बेरियोमे पावल परमेस्‍वरके सुसमाचार परचार करैछै से बात सुनल्‍कै, तब उसब बेरियामे आइबके हो-हल्‍ला मचाबैले लाग्‍लै आ पावलके बिरोध करैले ओतेका लोकसबके उक्‍साइले लाग्‍लै।

परेरित 19:9

महज जब कोइ-कोइ थेथर भ्‍याके बिस्‍बास नै करल्‍कै आ लोकसबके सामने परभुके बाटमे चलैबलासबके बिरोध करे लाग्‍लै। तैल्‍याके पावल सभाघर छोइरके चैलगेलै आ कुछ बिस्‍बासीसबके साथमे ल्‍याके टुरान्‍नस नामके सिक्‍छा दैबला घरमे सबदिन बात-चित करे लाग्‍लै।

परेरित 21:21

उसब अहाँके बारेमे सुन्‍नेछै जे, गैर-यहुदीके बिचमे रहैबला यहुदीसबके अहाँ ‘मोसाके धरम नियमके आ ओकरासबके बाल-बच्‍चासबके खतना नै करैके आ रितिरिबाज पालन नै करैले’ कैहके सिखाइचियै।

परेरित 23:12

तब बिहाने यहुदीसब एकआपसमे मिलके सल्‍लाह करल्‍कै आ किरिया खेल्‍कै, “जाबेतक पावलके नै मारबै ताबेतक हमसब नै कुछो खेबै नै पिबै।”

परेरित 24:9

तब औरो यहुदीसब यि बात ठिक छै कैहके सहमति जनाइल्‍कै।

परेरित 25:2

ओते मुल पुजारीसब आ यहुदी अगुवासब पावलके बिरोधमे दोस लगाइल्‍कै,

परेरित 25:7

जब पावल ओते एलै तब यरुसलेमसे एल्‍हा यहुदीसब ओकर अगल-बगल खरा भ्‍याके गम्‍भीर किसिमके दोस लगाबे लाग्‍लै महज उसब कोनो दोसके परमान दैले नै सकल्‍कै।

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

परेरित 9:23

तब बहौत दिन बित्‍लाके बाद यहुदीसब साउलके मारैके जुक्‍ती निकालल्‍कै।

१ कोरन्‍थी 10:33

हमर करल जखा कर। हम अपना खुस हैबला काम नै करलियै। महज सबकोइ मुक्‍ती पाबे कैहके सब तरहसे सबके भलाइ खोजैचियै।

गलाती 5:11

भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।

एफिसी 3:13

अहै खातिर हम तोरासबके बिन्‍ती करैचियौ कि, हम तोरासबके खातिर जे कस्‍ट भोग्‍नेचियै उ देखके हार नै मान। यि त तोरासबके खातिर गौरबके बात चियौ।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

२ थेसलोनिकी 2:10

नास हैबलासबके उ दुस्‍टतासे छकाइतै, कथिलेत उसब मुक्‍तीदैबला सतके नै मन पराइल्‍कै।

१ तिमोथी 2:4

सबलोक मुक्‍ती पाबे आ उसब सत बात बुझे कैहके ओकर इक्‍छाछै।

हिबरु 6:8

महज औरो लोक काट आ कुस उबजाबैबला जमिन जखा हैछै। उ जमिन बेकार हैछै। एहैन जमिनमे त परमेस्‍वरके सराप परे सकैछै आ अन्‍तमे आइगसे नास हेतै।

परकास 22:11

दुस्‍ट काम करैबला दुस्‍ट काम कैरतेरहे, घिनलागैबला काम करैबला घिनलागैबला काम कैरते रहे, धरमीसब धारमिक काम कैरतेरहे आ पबितर जनसब पबितर हैतरहे।”